ಈದ್ ಮಿಲಾದ್ ರಾಲಿ ವೀಡಿಯೋ ಹಾಕಿ ಪ್ರಚೋದನಕಾರಿ ಟ್ವೀಟ್ ಮಾಡಿದ ಸೂಲಿಬೆಲೆ: ಏನು ಸಂದೇಶ ಕೊಡುತ್ತೀರಿ ಎಂದು ಪ್ರಶ್ನಿಸಿದ IPS ಭಾಸ್ಕರ್ ರಾವ್

Prasthutha: October 20, 2021

ಪ್ರಚೋದನಕಾರಿ ಭಾಷಣಕ್ಕೆ ಕುಖ್ಯಾತಿ ಪಡೆದಿರುವ ಚಕ್ರವರ್ತಿ ಸೂಲಿಬೆಲೆ, ಮುಸ್ಲಿಮ್ ಅನುಯಾಯಿಗಳ ಈದ್ ಮಿಲಾದ್ ಮೆರವಣಿಗೆಯ ವೀಡಿಯೋ ಒಂದನ್ನು ತನ್ನ ಟ್ವಿಟ್ಟರ್ ಖಾತೆಯಲ್ಲಿ ಟ್ವೀಟ್ ಮಾಡಿದ್ದಾರೆ. ಆ ಮೆರವಣಿಗೆಯ ಮಧ್ಯೆ ಬಾಲಕನೊಬ್ಬ ಭಗವಾ ಧ್ವಜ ಹಿಡಿದುಕೊಂಡು ಸಾಗುವ ದೃಶ್ಯವಿದ್ದು, ಟ್ವೀಟ್ ನಲ್ಲಿ ಸಂಖ್ಯೆ ಕಡಿಮೆಯಿದೆಯೆಂದು ಹೆದರಬೇಡಿ, ಕುರಿಗಳು ಹಿಂಡಾಗಿ ಇರುವಾಗಲೂ ಸಿಂಹ ಏಕಾಂಗಿಯಾಗಿ ಸಾಗುತ್ತದೆ ಎಂಬ ಪ್ರಚೋದನಕಾರಿ ಒಕ್ಕಣೆ ಹಾಕಿದ್ದರು.


ಮುಸ್ಲಿಮರ ಮೆರವಣಿಗೆಯ ಮಧ್ಯೆ ಈ ರೀತಿ ಸಾಗಿ ಶಾಂತಿ ಕದಡಬೇಕೆನ್ನುವುದು ಅವರ ಟ್ವೀಟ್ ನ ಉದ್ದೇಶವಾಗಿದೆ ಎನ್ನುವುದು ಆ ಟ್ವೀಟನ್ನು ನೋಡಿದ ಯಾರಿಗೂ ಅರ್ಥವಾಗದೇ ಇರದು.
ಇದಕ್ಕೆ ಖಾರವಾಗಿ ಪ್ರತಿಕ್ರಿಯಿಸಿದ್ದ ಐಪಿಎಸ್ ಪೊಲೀಸ್ ಅಧಿಕಾರಿ ಭಾಸ್ಕರ್ ರಾವ್, ಸಣ್ಣ ಮಕ್ಕಳನ್ನು ಈ ರೀತಿ ಪ್ರಚೋದಿಸುವುದು ಸರಿಯಲ್ಲ. ಈ ಮೂಲಕ ಏನು ಸಂದೇಶವನ್ನು ಕೊಡಲು ಬಯಸಿದ್ದೀರಾ? ಧನಾತ್ಮಕ ವಿಷಯಗಳನ್ನು ಹಂಚಿ ಎಂದು ಉತ್ತರಿಸಿದ್ದಾರೆ.

ಚಕ್ರವರ್ತಿ ಸೂಲಿಬೆಲೆ ಮೋದಿ ಬಗೆಗಿನ ತನ್ನ ಹಸಿ ಸುಳ್ಳುಗಳ ವೀಡಿಯೋ ಭಾಷಣಗಳಿಗೆ ಕುಖ್ಯಾತಿ ಪಡೆದಿರುವವರಾಗಿದ್ದಾರೆ. ಸೂಲಿಬೆಲೆಯ ಈ ರೀತಿಯ ವೀಡಿಯೋಗಳನ್ನು ಹಲವರು ವ್ಯಂಗ್ಯಭರಿತ ಧಾಟಿಯಲ್ಲಿ ಟ್ರೋಲ್ ಗೂ ಬಳಸಿಕೊಂಡಿದ್ದಾರೆ.

ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಬಟನ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ

error: Content is protected !!