ಆಸ್ಟ್ರೇಲಿಯನ್ ಓಪನ್; ಮಿಕ್ಸೆಡ್ ಡಬಲ್ಸ್’ನಲ್ಲೂ ಸಾನಿಯಾ ಮಿರ್ಜಾ ಜೋಡಿಗೆ ಸೋಲು

Prasthutha: January 25, 2022

ಮೆಲ್ಬೋರ್ನ್; ಆಸ್ಟ್ರೇಲಿಯನ್ ಓಪನ್ ಟೆನಿಸ್ ಟೂರ್ನಿಯ ಮಿಕ್ಸೆಡ್ ಡಬಲ್ಸ್ ವಿಭಾಗದಲ್ಲಿ ಭಾರತದ ಸಾನಿಯಾ ಮಿರ್ಜಾ ಹಾಗೂ ಅಮೆರಿಕದ ರಾಜೀವ್ ರಾಮ್ ಜೋಡಿಯ ಹೋರಾಟ ಕ್ವಾರ್ಟರ್ ಫೈನಲ್ ನಲ್ಲಿ ಅಂತ್ಯವಾಗಿದೆ.

ಅತಿಥೇಯ ಆಸ್ಟ್ರೇಲಿಯಾದ ಜೇಸನ್ ಕುಬ್ಲೇರ್ ಹಾಗೂ ಜೈಮಿ ಫೋರಿಸ್ ವಿರುದ್ಧದ ಪಂದ್ಯದಲ್ಲಿ 4-6, 6 -7 [7] ಅಂತರದಲ್ಲಿ ಇಂಡೋ-ಅಮೆರಿಕನ್ ಜೋಡಿ ನೇರ ಸೆಟ್‌ಗಳಲ್ಲಿ ಶರಣಾಯಿತು. ಈ ಮ‌ೂಲಕ ಕಾಂಗರೂಗಳ ನಾಡಿನಲ್ಲಿ ನಡೆಯುತ್ತಿರುವ ವರ್ಷಾರಾಂಭದ ಮೊದಲ ಗ್ರ್ಯಾನ್ ಸ್ಲಾಮ್ ಟೆನಿಸ್ ಟೂರ್ನಿಯಲ್ಲಿ ಭಾರತದ ಮಿರ್ಜಾ ಹೋರಾಟ ಅಂತ್ಯ ಕಂಡಂತಾಗಿದೆ.
ಇದಕ್ಕೂ ಮೊದಲು ನಡೆದ ಟೂರ್ನಿಯ ಮಹಿಳೆಯರ ಡಬಲ್ಸ್ ವಿಭಾಗದ ಮೊದಲ ಸುತ್ತಿನಲ್ಲಿಯೇ ಸಾನಿಯಾ ಮಿರ್ಜಾ- ಉಕ್ರೇನ್‌ನ ಜತೆಗಾರ್ತಿ ನಾಡಿಯಾ ಕಿಚೆನೋಕ್ ಜೋಡಿ 4-6,6-7 (5) ನೇರ ಸೆಟ್ ಗಳಿಂದ ಸ್ಲೋವೆನಿಯಾದ ಟ್ಯಾಮರಾ ಜಿಡಾನ್ಸೆಕ್ ಮತ್ತು ಕಾಜಾ ಜುವಾನ್ ಜೋಡಿ ವಿರುದ್ಧ ಸೋಲನುಭವಿಸಿತ್ತು.
ಆ ಪಂದ್ಯದಲ್ಲಿ ಸೋಲಿನ ಬಳಿಕ ಸಾನಿಯಾ ಮಿರ್ಜಾ ಅವರು ತಮ್ಮ ನಿವೃತ್ತಿ ನಿರ್ಧಾರವನ್ನು ಪ್ರಕಟಿಸಿದ್ದರು.
2022ರ ಆವೃತ್ತಿ ನನ್ನ ಕೊನೆಯ ಸೀಸನ್​ ಆಗಲಿದೆ. ನನಗೆ ಇನ್ಮುಂದೆ ಆಡುವುದು ಸರಳವಾಗಿಲ್ಲ. ಚೇತರಿಸಿಕೊಳ್ಳಲು ಹೆಚ್ಚು ಸಮಯ ತೆಗೆದುಕೊಳ್ಳುತ್ತಿದೆ ಎಂದು ನಾನು ಭಾವಿಸುತ್ತೇನೆ.

ಈ ಸೀಸನ್ ಬಳಿಕ ಟೆನಿಸ್‌ ವೃತ್ತಿ ಜೀವನಕ್ಕೆ ವಿದಾಯ ಹೇಳುವುದಾಗಿ ಸಾನಿಯಾ ಮಿರ್ಜಾ ಹೇಳಿದ್ದರು

ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಬಟನ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ

error: Content is protected !!