November 7, 2020

ಅಮೆರಿಕ ಚುನಾವಣೆ | ಬೈಡನ್ ಬೆಂಬಲಿಗರಿಂದ ಖುಷಿಯ ನೃತ್ಯ | ಗನ್ ಹಿಡಿದು ಮತ ಎಣಿಕೆ ಕೇಂದ್ರ ಸುತ್ತುವರಿದ ಟ್ರಂಪ್ ಬೆಂಬಲಿಗರು

ವಾಷಿಂಗ್ಟನ್ : ಅಮೆರಿಕ ಅಧ್ಯಕ್ಷೀಯ ಚುನಾವಣೆಯಲ್ಲಿ ಡೆಮಾಕ್ರಟಿಕ್ ಅಭ್ಯರ್ಥಿ ಜೋ ಬೈಡನ್ ಗೆಲುವಿನ ಅಂಚು ಸಮೀಪಿಸುತ್ತಿರುವ ನಡುವೆ, ಆ ಪಕ್ಷದ ಬೆಂಬಲಿಗರು ಫಿಲಡೆಲ್ಫಿಯಾ ಬೀದಿಗಳಲ್ಲಿ ನರ್ತಿಸಿ ಸಂಭ್ರಮಿಸಿದ್ದಾರೆ. ಇನ್ನೊಂದೆಡೆ, ಫಲಿತಾಂಶದಿಂದ ಹತಾಶಗೊಂಡಿರುವ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಬೆಂಬಲಿಗರು ಬಂದೂಕು ಹಿಡಿದು ಬೀದಿಗಿಳಿದ ಘಟನೆ ನಡೆದಿದೆ.

ಟ್ರಂಪ್ ಬೆಂಬಲಿಗರು ಗನ್ ಗಳನ್ನು ಹಿಡಿದು ಫೀನಿಕ್ಸ್ ನಲ್ಲಿ ಮತ ಎಣಿಕೆ ನಿಲ್ಲಿಸುವಂತೆ ಬೆದರಿಕೆಯೊಡ್ಡಿದ್ದಾರೆ. ಡೆಟ್ರಾಯಿಟ್ ನಲ್ಲಿ ಟ್ರಂಪ್ ಬೆಂಬಲಿರು ದೊಡ್ಡ ಸಂಖ್ಯೆಯಲ್ಲಿ ಬಂದೂಕು ಹಿಡಿದು ಫೀನಿಕ್ಸ್ ನ ಮತ ಎಣಿಕೆ ಕೇಂದ್ರವನ್ನು ಸುತ್ತುವರೆದಿದ್ದರು. ಅಲ್ಲದೆ, ನಾವು ಗೆದ್ದಿದ್ದೇವೆ ಎಂದು ಘೋಷಣೆ ಕೂಗಿದರು.




ಚುನಾವಣಾ ಫಲಿತಾಂಶ ಇನ್ನೂ ಅಧಿಕೃತವಾಗಿ ಘೋಷಣೆಯಾಗಿಲ್ಲ. ಆದರೆ, ಬೈಡನ್ ಬಹುತೇಕ ಗೆದ್ದಿದ್ದಾರೆ ಎಂದು ಮಾಧ್ಯಮಗಳು ವರದಿ ಮಾಡುತ್ತಿವೆ. ಆದರೆ, ಟ್ರಂಪ್ ಬೆಂಬಲಿಗರು ಇದನ್ನು ಒಪ್ಪುತ್ತಿಲ್ಲ. ಮತ ಎಣಿಕೆಯಲ್ಲಿ ಅಕ್ರಮ ನಡೆದಿದೆ ಎಂದು ಅವರು ಆಪಾದಿಸುತ್ತಿದ್ದಾರೆ.   

ಟಾಪ್ ಸುದ್ದಿಗಳು