ಬಿಜೆಪಿಯು ಕೋಮುವಾದಿ ಪಕ್ಷ, ಅದರ ಜೊತೆಗೆ ಹೋಗುವ ಪ್ರಶ್ನೆಯೇ ಇಲ್ಲ: ಶಿಖಾ ಮಿತ್ರಾ

ಕೊಲ್ಕತ್ತಾ: ನಾನು ಭಿನ್ನಾಭಿಪ್ರಾಯದಿಂದ ತೃಣಮೂಲ ಕಾಂಗ್ರೆಸ್ ನಿಂದ ಸ್ವಲ್ಪ ದಿನ ದೂರವಿದ್ದೆ. ಅಧಿಕೃತವಾಗಿ ತೃಣಮೂಲ ಕಾಂಗ್ರೆಸ್ ಬಿಟ್ಟಿಲ್ಲ. ಇನ್ನು ಕೋಮುವಾದಿ ಪಕ್ಷವಾಗಿರುವ ಬಿಜೆಪಿಯ ಜೊತೆಗೆ ಹೋಗುವ ಪ್ರಶ್ನೆಯೇ ಇಲ್ಲ ಎಂದು ಪಶ್ಚಿಮ ಬಂಗಾಳದ ಮಾಜಿ ಶಾಸಕಿ ಶಿಖಾ ಮಿತ್ರಾ ಸ್ಪಷ್ಟಪಡಿಸಿದ್ದಾರೆ.

ಸಮಾಜವನ್ನು ಒಡೆಯುವ ಕೆಲಸ ಮಾಡುವ ಬಿಜೆಪಿಗೆ ಧಿಕ್ಕಾರ ಎಂದು ಹೇಳಿರುವ ಶಿಖಾ, ಮಮತಾ ಬ್ಯಾನರ್ಜಿಯವರು ಸಮಾಜ ಕಟ್ಟುವ ಕೆಲಸ ಮಾಡುತ್ತಿದ್ದಾರೆ ಎಂದು ಹೇಳಿದರು. ತೃಣಮೂಲ ಕಾಂಗ್ರೆಸ್ಸಿನಿಂದ ಶಾಸಕಿಯಾಗಿದ್ದ ಶಿಖಾ ಅವರು ಅನಂತರ ಕೆಲ ಕಾಲ ತಟಸ್ಥರಾಗಿದ್ದರು.