October 6, 2020

ವಿಸಾ ಅವಧಿ ಮುಗಿದವರಿಗೆ ಅ.11ರ ತನಕ ಯುಎಇ ಗಡುವು

ಕೋವಿಡ್ ಲಾಕ್ದೌನ್ ವೇಳೆ ವಿಸಾ ಅವಧಿ ಮುಗಿದವರು ಈ ತಿಂಗಳ 11ರೊಳಗೆ ತವರಿಗೆ ಮರಳಬೇಕು ಅಥವಾ ವಿಸಾವನ್ನು ಕಾನೂನು ಬದ್ದಗೊಳಿಸಬೇಕು. ಅದಕ್ಕೆ ತಪ್ಪಿದರೆ ಯುಎಇಯಲ್ಲಿ ಉಳಿದುಕೊಂಡಿರುವ ತನಕ ಪ್ರತಿದಿನ ದಂಡವನ್ನು ಪಾವತಿಸಬೇಕಾಗುತ್ತದೆ ಎಂದು ಅಧಿಕಾರಿಗಳು ಎಚ್ಚರಿಕೆ ನೀಡಿದ್ದಾರೆ.

2020ರ ಮಾರ್ಚ್1 ರಿಂದ ಜುಲೈ12ರ ನಡುವೆ ಮುಕ್ತಾಯಗೊಳ್ಳುವ ರೆಸಿಡೆಂಟ್ ವಿಸಾ ಹೊಂದಿದವರು ಈ ತಿಂಗಳ 11ರ ಮೊದಲು ಮರಳಬೇಕು. ಅಥವಾ ಹೊಸ ವಿಸಾಕ್ಕೆ ಬದಲಾಯಿಸಿ ತಮ್ಮ ವಾಸ್ತವ್ಯವನ್ನು ಕಾನೂನುಬದ್ಧಗೊಳಿಸಬೇಕು. ಅವಧಿ ಮುಗಿದ ವಿಸಿಟಿಂಗ್ ವಿಸಾ ಹೊಂದಿರುವವರಿಗೆ ಮರಳುವ ಗಡುವು ಕಳೆದ ತಿಂಗಳು ಮುಕ್ತಾಯಗೊಂಡಿತ್ತು.

ಅವಧಿ ಮುಗಿದ ವಿಸಿಟ್ ವಿಸಾ ಹೊಂದಿರುವವರಿಗೆ ವಲಸೆ ದಂಡ ವಿಧಿಸಲಾಗುತ್ತಿದೆ. ರೆಸಿಡೆಂಟ್ ವಿಸಾ ಹೊಂದಿರುವವರು ಈ ತಿಂಗಳ 11ಕ್ಕೆ ಮುಂಚೆ ಹಿಂದಿರುಗದಿದ್ದರೆ, ಹೆಚ್ಚುವರಿ ವಾಸ್ತವ್ಯಕ್ಕೆ ಪ್ರತಿದಿನ 25 ದಿರ್ಹಮ್ ದಂಡವನ್ನು ಪಾವತಿಸಬೇಕಾಗುತ್ತದೆ. ಆರು ತಿಂಗಳ ನಂತರ ಇದು 50 ದಿರ್ಹಮ್ ಗಳಿಗೆ ಏರುತ್ತದೆ.

ಅದಾಗ್ಯೂ, ಮಾರ್ಚ್ 1 ಕ್ಕೆ ಮೊದಲೇ ವಿಸಾ ಅವಧಿ ಮುಗಿದವರು ನವೆಂಬರ್ 17ರವರೆಗೆ ದೇಶದಲ್ಲಿ ಉಳಿಯಬಹುದು. ಅವರು ಕ್ಷಮಾದಾನದ ಪ್ರಯೋಜನೆಯನ್ನು ಪಡೆಯುತ್ತಾರೆ. ಅವರಿಗೆ ಮರಳಿ ಬರಲು ಯಾವುದೇ ಅಡೆತೆಡೆ ಇರುವುದಿಲ್ಲ.

ಶೋಷಿತ, ದಮನಿತ ಸಮುದಾಯಗಳ ಧ್ವನಿಯಾಗಿರುವ ಮತ್ತು ಜನಸಾಮಾನ್ಯರ ಸಮಸ್ಯೆಗಳಿಗೆ ಸದಾ ಮಿಡಿಯುವ ಪ್ರಸ್ತುತ ಪಾಕ್ಷಿಕಕ್ಕೆ ಚಂದಾದಾರಾಗಿರಿ. ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ

error: Content is protected !!