►ಎರಡು ಡೋಸ್ ಲಸಿಕೆ ಕಡ್ಡಾಯ

ಮಡಿಕೇರಿ: ಕೇರಳ ಹಾಗೂ ಗೋವಾ ರಾಜ್ಯದಿಂದ ಬರುವವರಿಗೆ RTPCR ನೆಗೆಟಿವ್ ವರದಿಯ ಅವಶ್ಯಕತೆ ಇರುವುದಿಲ್ಲವೆಂದು ಸರಕಾರ ತಿಳಿಸಿದೆ.

ಪ್ರಸ್ತುತ ಕೋವಿಡ್ 19 ಪರಿಸ್ಥಿತಿಯ ದೃಷ್ಟಿಯಿಂದ, ಗೋವಾ ಮತ್ತು ಕೇರಳ ರಾಜ್ಯಗಳಿಂದ ವಾಯುಮಾರ್ಗ, ರೈಲ್ವೇ, ರಸ್ತೆ ಸಾರಿಗೆ ಮತ್ತು ವೈಯಕ್ತಿಕ ವಾಹನಗಳಲ್ಲಿ ಬರುವವರಿಗೆ ಆರ್ಟಿಪಿಸಿಆರ್ ನಕಾರಾತ್ಮಕ ಪರೀಕ್ಷಾ ವರದಿಯನ್ನು ಹೊಂದುವ ಆದೇಶವನ್ನು ನಿಲ್ಲಿಸಲಾಗುತ್ತದೆ.  ಈ ರಾಜ್ಯಗಳಿಂದ ಬರುವವರು ಎರಡು ಡೋಸ್/ಪೂರ್ಣ ಡೋಸ್ ಲಸಿಕೆ ಪ್ರಮಾಣಪತ್ರವನ್ನು ಪ್ರಸ್ತುತಪಡಿಸಬೇಕು. ಇದನ್ನು ಕಟ್ಟುನಿಟ್ಟಾಗಿ ಜಾರಿಗೊಳಿಸಬೇಕೆಂದು ಸರಕಾರದ ಆದೇಶದಲ್ಲಿ ಸೂಚಿಸಲಾಗಿದೆ.