ರಿಯಾದ್ : ಸೌದಿ ಅರೇಬಿಯಾ ಶುಕ್ರವಾರದಂದು ಕೋವಿಡ್ 19 ನಿಂದಾಗಿ 14 ಜನರು ಸಾವನ್ನಪ್ಪಿದ್ದಾರೆಂದು ಸೌದಿ ಆರೋಗ್ಯ ಇಲಾಖೆ ಖಚಿತಪಡಿಸಿದೆ. ಅದೇ ರೀತಿ 954 ಹೊಸ ಸೋಂಕಿತ ವ್ಯಕ್ತಿಗಳು ಪತ್ತೆಯಾಗಿರುವುದಾಗಿ ತಿಳಿಸಿದೆ.

ಹೊಸ ಪ್ರಕರಣದಲ್ಲಿ ಮಕ್ಕಾ 182, ರಿಯಾದ್ 164, ಪೂರ್ವ ಪ್ರಾಂತ್ಯ 152, ಅಸೀರ್ 102, ಜಝಾನ್ 98, ಮದೀನಾ 66, ಹೈಲ್ 32, ನಝ್ರಾನ್ 28, ತಬೂಕ್ 20, ಉತ್ತರ ಗಡಿಯಲ್ಲಿ 16, ಅಲ್- ಬಹಾ 16, ಅಲ್-ಔಫ್ 10 ದಾಖಲಾಗಿದೆ. ಅದೇ ರೀತಿ ಕೊರೊನಾ ವೈರಸ್ ನಿಂದಾಗಿ 1,014 ರೋಗಿಗಳು ಚೇತರಿಸಿಕೊಂಡಿದ್ದಾರೆ. ಈ ಮೂಲಕ ಸೌದಿ ಅರೇಬಿಯಾದಲ್ಲಿ ಒಟ್ಟು 5,13, 387 ಮಂದಿ ಚೇತರಿಕೆಗೊಂಡಿರುತ್ತಾರೆ.

ಸೌದಿ ಅರೇಬಿಯಾದಲ್ಲಿ ಇದುವರೆಗೆ ಒಟ್ಟು 8,311 ಜನರು ವೈರಸ್‌ಗೆ ಬಲಿಯಾಗಿದ್ದಾರೆ ಮತ್ತು 29 ದಶಲಕ್ಷ ಡೋಸ್‌ಗಳಷ್ಟು ಕೊರೋನಾ ವೈರಸ್ ಲಸಿಕೆಯನ್ನು ನೀಡಲಾಗಿದೆ ಎಂದು ಆರೋಗ್ಯ ಸಚಿವಾಲಯವು ದೃಢಪಡಿಸಿದೆ.