ನವದೆಹಲಿ: ಭಾರತೀಯ ರಿಸರ್ವ್ ಬ್ಯಾಂಕ್ ರೆಪೋ ದರವನ್ನು ಶೇಕಡಾ 0.50ಯಷ್ಟು ಹೆಚ್ಚಿಸಿದ್ದು, ಇದರಿಂದ ರೆಪೋ ದರ ಶೇ.5.40ಕ್ಕೆ ಏರಿಕೆಯಾಗಿದೆ.
- Advertisement -
ಸಾಲದ ದರವನ್ನು ಶುಕ್ರವಾರ 50 ಬೇಸಿಸ್ ಪಾಯಿಂಟ್ (ಬಿಪಿಎಸ್) ನಿಂದ 5.40 ಪ್ರತಿಶತಕ್ಕೆ ಹೆಚ್ಚಿಸಿದೆ ಎಂದು ಆರ್ ಬಿಐ ಗವರ್ನರ್ ಶಕ್ತಿಕಾಂತ್ ದಾಸ್ ಘೋಷಿಸಿದ್ದಾರೆ.
ಇದು ಈ ಹಣಕಾಸು ವರ್ಷದಲ್ಲಿ ಕೇಂದ್ರೀಯ ಬ್ಯಾಂಕ್ ನಿಂದ ಇದು ಮೂರನೇ ದರ ಏರಿಕೆಯಾಗಿದೆ. ಇದಕ್ಕೂ ಮೊದಲು, ಆರ್ ಬಿಐ ರೆಪೊ ದರವನ್ನು ಮೇ ತಿಂಗಳಲ್ಲಿ 40 ಬಿಪಿಎಸ್ ಮತ್ತು ಜೂನ್ ನಲ್ಲಿ 50 ಬಿಪಿಎಸ್ ಹೆಚ್ಚಿಸಿತ್ತು. ಈ ಸಭೆಯಲ್ಲಿ ಎಂಪಿಸಿ ಕನಿಷ್ಠ 35 ಬಿಪಿಎಸ್ ರೆಪೊ ದರವನ್ನು ಹೆಚ್ಚಿಸಲಿದೆ ಎಂದು ಮಾರುಕಟ್ಟೆ ತಜ್ಞರು ನಿರೀಕ್ಷಿಸಿದ್ದಾರೆ.
- Advertisement -
ಈ ಹೆಚ್ಚಳದೊಂದಿಗೆ ರೆಪೊ ದರವೀಗ ಕೋವಿಡ್–19 ಸಾಂಕ್ರಾಮಿಕಕ್ಕಿಂತ ಮೊದಲಿನ ಹಂತಕ್ಕೆ ತಲುಪಿದೆ. 2019ರ ಆಗಸ್ಟ್ ನಲ್ಲಿ ರೆಪೊ ದರ ಇದೇ ಮಟ್ಟದಲ್ಲಿತ್ತು.
