ಮಂಗಳೂರು: ಮಂಗಳೂರಿನ ಪ್ರತಿಷ್ಠಿತ ವಿದ್ಯಾಸಂಸ್ಥೆ P A ಇಂಜಿನಿಯರಿಂಗ್ ಕಾಲೇಜಿನ ಚೇರ್ಮೆನ್ P A ಇಬ್ರಾಹಿಮ್ ಹಾಜಿ ನಿಧನರಾಗಿದ್ದಾರೆ. ಅವರಿಗೆ 78 ವರ್ಷ ವಯಸ್ಸಾಗಿತ್ತು.
ಮಲಬಾರ್ ಗೋಲ್ಡ್ ಗ್ರೂಪ್ ನ ವೈಸ್ ಚೇರ್ಮೆನ್ ಸೇರಿದಂತೆ ಹಲವು ಗ್ರೂಪುಗಳ ಸಾರಥ್ಯ ವಹಿಸಿದ್ದ ಅವರು ಹಲವಾರು ಮಸೀದಿ ಮದರಸಗಳ ಪೋಷಕರಾಗಿದ್ದರು.
ಪಳ್ಳಿಕೆರೆ ಇಬ್ರಾಹಿಂ ಹಾಜಿ ಅವರು 1943 ಸೆಪ್ಟೆಂಬರ್ 6ರಂದು ಕೇರಳದ ಕಾಸರಗೋಡಿನಲ್ಲಿ ಅಬ್ದುಲ್ಲಾ ಇಬ್ರಾಹಿಂ ಹಾಜಿ ಮತ್ತು ಆಯಿಶಾ ದಂಪತಿಯ ಪುತ್ರನಾಗಿ ಜನಿಸಿದ್ದರು.
PACE ಗ್ರೂಪ್ ನ ಸಂಸ್ಥಾಪಕ ಮತ್ತು ಅಧ್ಯಕ್ಷ, ಮಲಬಾರ್ ಗೋಲ್ಡ್ ನ ಪ್ರಮುಖ ಹೂಡಿಕೆದಾರ, ಇಂಡಸ್ ಮೋಟಾರ್ ಕಂಪನಿಯ ಉಪಾಧ್ಯಕ್ಷರಾಗಿಯೂ ಅವರು ಸೇವೆ ಸಲ್ಲಿಸಿದ್ದರು.
ಪ್ರವಾಸಿ ರತ್ನ, ಸಿ.ಎಚ್.ಅವಾರ್ಡ್ , ಗರ್ಶಾಮ್ ಇಂಟರ್ ನ್ಯಾಷನಲ್ ಅವಾರ್ಡ್ ಸೇರಿದಂತೆ ಹಲವು ಪ್ರಶಸ್ತಿಗಳಿಗೆ ಅವರು ಭಾಜನರಾಗಿದ್ದರು. ಪಿ.ಎ. ಇಬ್ರಾಹಿಂ ಹಾಜಿ ನಿಧನಕ್ಕೆ ಹಲವು ಗಣ್ಯರು ಸಂತಾಪ ಸೂಚಿಸಿದ್ದಾರೆ.
ನಿನ್ನೆ ಚಿಂತಾಜನಕ ಸ್ಥಿತಿಯಲ್ಲಿದ್ದ ಅವರನ್ನು ವೈದ್ಯರ ಸಲಹೆಯಂತೆ ಏರ್ ಆಂಬ್ಯುಲೆನ್ಸ್ ಮೂಲಕ ಊರಿಗೆ ತರಲಾಗಿತ್ತು. ಇಂದು ಕ್ಯಾಲಿಕಟ್ ನಲ್ಲಿ ಜನರಿಗೆ ಜನಾಝ ನೋಡಬಹುದಾಗಿದ್ದು ಬಳಿಕ ಮಂಜೇರಿಯಲ್ಲಿ ಅವರ ದೊಡ್ಡದಾದ ಚಾರಿಟಿ ಸಂಸ್ಥೆಯ ಬಳಿ ಸಮಾಧಿ ಮಾಡಲಾಗುವುದು ಎಂದು ಮೂಲಗಳು ತಿಳಿಸಿವೆ.
