‘ಫೆಲೆಸ್ತೀನ್ ಅಮಾಯಕರ ರಕ್ತ ಹರಿಸುವ ಮೂಲಕ ನೇತನ್ಯಾಹು ತನ್ನ ಅಧಿಕಾರ ಉಳಿಸುವ ಉದ್ದೇಶ ಹೊಂದಿದ್ದರು’ : ವಿದೇಶಾಂಗ ಮಂತ್ರಾಲಯ

Prasthutha: June 18, 2021

ಇಸ್ರೇಲ್ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಅವರು ಫೆಲೆಸ್ತೀನ್ ಮಕ್ಕಳ ಮತ್ತು ಮಹಿಳೆಯರ ರಕ್ತ ಹರಿಸಿ ಆ ಮೂಲಕ ತನ್ನ ಅಧಿಕಾರ ಉಳಿಸುವ ಪ್ರಯತ್ನ ನಡೆಸಿದ್ದರು ಎಂದು ಫೆಲೆಸ್ತೀನ್ ವಿದೇಶ ಮಂತ್ರಾಲಯ ಹೇಳಿದೆ. ವೆಸ್ಟ್ ಬ್ಯಾಂಕ್ ಮತ್ತು ಜೆರುಸಲೇಂನಲ್ಲಿ ಉದ್ವಿಗ್ನತೆ ಹೆಚ್ಚಿಸಿ, ಅಲ್ಲಿ ಯುದ್ಧೋನ್ಮಾದ ಸೃಷ್ಟಿಸಿ ಆ ಮೂಲಕ ತನ್ನ ರಾಜಕೀಯ ವಿರೋಧಿಗಳು ಸರ್ಕಾರ ರಚಿಸುವುದನ್ನು ತಡೆಯಲು ನೆತನ್ಯಾಹು ಯತ್ನಿಸಿದರು ಎಂದು ಸಚಿವಾಲಯ ತನ್ನ ಹೇಳಿಕೆಯಲ್ಲಿ ತಿಳಿಸಿದೆ.

“ನೆತನ್ಯಾಹು ಮತ್ತು ಅವರ ತಂಡವು ಆಕ್ರಮಿತ ಪ್ರದೇಶದಲ್ಲಿ ಬಲಪಂಥೀಯ ಮತ್ತು ತೀವ್ರಗಾಮಿ ಬಲಪಂಥೀಯರ ಭದ್ರಕೋಟೆಯನ್ನು ರಕ್ಷಿಸಲು 2009 ರಿಂದ ರಕ್ತಸಿಕ್ತ ಹಿಂಸಾಚಾರದ ಸರಮಾಲೆಗಳನ್ನೇ ಅವಲಂಬಿಸಿದೆ” ಎಂದು ಅದು ಹೇಳಿದೆ. “ಫೆಲೆಸ್ತೀನಿಯರ ರಕ್ತ ಮತ್ತು ಅದರ ಭವಿಷ್ಯದ ಪೀಳಿಗೆಯನ್ನು ಬಲಿ ಕೊಟ್ಟು ನೇತನ್ಯಾಹು ನ್ಯಾಯಾಲಯದಲ್ಲಿ ತನ್ನನ್ನು ತಪ್ಪಿತಸ್ಥ ಸ್ಥಾನದಿಂದ ಮುಕ್ತರಾಗಲು ಇವೆಲ್ಲವನ್ನೂ ಮಾಡುತ್ತಿದ್ದಾರೆ” ಎಂದು ಮಂತ್ರಾಲಯ ಆರೋಪಿಸಿದೆ.

ಇತ್ತೀಚೆಗೆ ಇಸ್ರೇಲ್ ನೆಸೆಟ್ (ಸಂಸತ್ತು) ನಲ್ಲಿ ನಡೆದ ಚುನಾವಣೆಯಲ್ಲಿ ಆಡಳಿತಾರೂಢ ನೇತನ್ಯಾಹು ಅವರು ನೆಫ್ತಾಲಿ ಬೆನೆಟ್ ನೇತೃತ್ವದ ವಿರೋಧ ಪಕ್ಷಗಳ ಸಮ್ಮಿಶ್ರ ಒಕ್ಕೂಟದ ಮುಂದೆ ಒಂದು ಮತಗಳ ಅಂತರದಿಂದ ಸೋಲೊಪ್ಪಿಕೊಂಡು ಪದಚ್ಯುತಗೊಂಡಿದ್ದರು.

ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಬಟನ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ

error: Content is protected !!