December 3, 2020

ಖ್ಯಾತ ಎಂಡಿಎಚ್ ಮಸಾಲ ಸಂಸ್ಥಾಪಕ ಮಹಾಶಯ್ ಧರಂಪಾಲ್ ಗುಲಾಟಿ ನಿಧನ

 ನವದೆಹಲಿ : ಖ್ಯಾತ ಮಸಾಲ ಬ್ರಾಂಡ್ ಎಂಡಿಎಚ್ ನ ಸಂಸ್ಥಾಪಕ ಮಹಾಶಯ್ ಧರಂಪಾಲ್ ಗುಲಾಟಿ ಇಂದು ದೆಹಲಿಯಲ್ಲಿ ನಿಧನರಾದರು. ದೆಹಲಿಯ ಮಾತಾ ಚನನ್ ಆಸ್ಪತ್ರೆಯಲ್ಲಿ ಧರಂಪಾಲ್ ಕೊನೆಯುಸಿರೆಳೆದರು.

98 ವರ್ಷದ ಧರಂಪಾಲ್ ಕಳೆದ ಕೆಲ ವಾರಗಳಿಂದ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು. ಇಂದು ಮುಂಜಾನೆ ಚಿಕಿತ್ಸೆ ಫಲಕಾರಿಯಾಗದೆ ಅವರು ನಿಧನರಾದರು.

ಆಪ್ತ ವಲಯದಲ್ಲಿ ದಾದಾಜಿ, ಮಹಾಶಯಜೀ ಎಂದೇ ಕರೆಯಲ್ಪಡುತ್ತಿದ್ದ ಧರಂಪಾಲ್ 1923ರಲ್ಲಿ ಜನಿಸಿದರು. ಧರಂಪಾಲ್ ಅವರ ತಂದೆ ಈಗಿನ ಪಾಕಿಸ್ತಾನದ ಸಿಯಾಲ್ ಕೋಟ್ ಮೂಲದವರಾಗಿದ್ದು, ಅವರು ಅಲ್ಲಿ ಮಸಾಲ ಪದಾರ್ಥಗಳ ವ್ಯಾಪಾರ ಮಾಡುತ್ತಿದ್ದರು.

ದೇಶ ವಿಭಜನೆಯ ಬಳಿಕ ದೆಹಲಿಗೆ ಬಂದು ಅಲ್ಲಿ ಒಂದು ಕಿರಾಣಿ ಅಂಗಡಿ ಆರಂಭಿಸಿ, ಅಲ್ಲಿಂದ ತಮ್ಮ ವ್ಯವಹಾರ ಮುಂದುವರಿಸಿದರು. ಈಗ ಎಂಡಿಎಚ್ ಮಸಾಲ ದೇಶದಲ್ಲಿ ಮಸಾಲ ಉತ್ಪನ್ನಗಳಲ್ಲೇ ಜನಪ್ರಿಯವಾದುದು. ಎಂಡಿಎಚ್ ಅಂದರೆ ಮಹಾಶಯನ್ ದಿ ಹಟ್ಟಿ ಬ್ರಾಂಡ್ ಕಟ್ಟಿ ಬೆಳೆಸಿದ ಧರಂಪಾಲ್ 2019ರಲ್ಲಿ ಪದ್ಮಭೂಷಣ ಪ್ರಶಸ್ತಿ ಗೌರವ ಸ್ವೀಕರಿಸಿದ್ದಾರೆ. ಧರಂಪಾಲ್ ನಿಧನಕ್ಕೆ ದೇಶದ ಹಲವು ಗಣ್ಯರು ಸಂತಾಪ ಸೂಚಿಸಿದ್ದಾರೆ.

ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಬಟನ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ

error: Content is protected !!