ಕುವೈತ್ ಪ್ರಧಾನಿಯಾಗಿ ಶೇಖ್ ಸಬಾ ಅಲ್ ಖಲೀದ್ ಮರು ನೇಮಕ

Prasthutha: November 23, 2021

ದುಬೈ: ಕುವೈತ್ ಪ್ರಧಾನಿಯಾಗಿ ಶೇಖ್ ಸಬಾ ಅಲ್ ಖಲೀದ್ ಅಲ್ ಸಬಾ ಅವರು ಮರುನೇಮಕಗೊಂಡಿದ್ದಾರೆ.


ಕುವೈತ್ ನ ರಾಜ ಈ ಕುರಿತು ಆದೇಶ ಹೊರಡಿಸಿದ್ದು, ರಾಜಕೀಯ ಅನಿಶ್ಚಿತತೆಯ ನಡುವೆಯೇ ಸಂಪುಟವನ್ನು ರಚಿಸುವ ಸವಾಲು ಖಲೀದ್ ಮೇಲಿದೆ ಎಂದು ಹೇಳಲಾಗುತ್ತಿದೆ.


ಚುನಾಯಿತ ಸಂಸತ್ತಿನ ಜೊತೆಗಿನ ರಾಜಕೀಯ ಅನಿಶ್ಚಿತತೆ ಹಿನ್ನೆಲೆಯಲ್ಲಿ ಸರ್ಕಾರ ನವೆಂಬರ್ 8ರಂದು ರಾಜೀನಾಮೆ ಸಲ್ಲಿಸಿತ್ತು. ಕುವೈತ್ ನ ರಾಜ ಈ ಬಗ್ಗೆ ಆದೇಶ ಹೊರಡಿಸಿದ್ದಾರೆ ಎಂದು ಸರ್ಕಾರದ ಅಧಿಕೃತ ಮಾಧ್ಯಮ K.U.N.A ವರದಿ ಮಾಡಿದೆ. ಶೇಖ್ ಸಭಾ ಅವರು 2019ರಿಂದಲೂ ಪ್ರಧಾನಿ ಸ್ಥಾನದಲ್ಲಿ ಇದ್ದಾರೆ.

ಸರ್ಕಾರದ ರಾಜೀನಾಮೆ ಬಳಿಕ ದೊರೆ ಶೇಖ್ ನವಾಬ್ ಅಲ್ ಅಹ್ಮದ್ ಅಲ್ ಸಬಾ ಅವರು ಕೆಲ ಸಾಂವಿಧಾನಿಕ ಅಧಿಕಾರವನ್ನು ರಾಜ ಶೇಖ್ ಮೆಷಲ್ ಅಲ್ ಅಹ್ಮದ್ ಅಲ್ ಸಬಾ ಅವರಿಗೆ ವಹಿಸಿದ್ದರು. ಇದರಲ್ಲಿ ಪ್ರಧಾನಿ ನೇಮಕ ಹೊಣೆಯೂ ಸೇರಿತ್ತು.
ಕೋವಿಡ್ ಪರಿಸ್ಥಿತಿ ನಿರ್ವಹಣೆ, ಭ್ರಷ್ಟಾಚಾರ ಸೇರಿದಂತೆ ವಿವಿಧ ವಿಷಯಗಳಿಗೆ ಸಂಬಂಧಿಸಿ ವಿರೋಧ ಪಕ್ಷದ ವಿವಿಧ ಸಂಸದರು ಪ್ರಧಾನಿ ಅವರ ಕಾರ್ಯವೈಖರಿ ಪ್ರಶ್ನಿಸಿದ್ದರು. ಇದರಿಂದಾಗಿ ರಾಜಕೀಯ ಅಸ್ಥಿರತೆ ನಿರ್ಮಾಣವಾಗಿತ್ತು.

ರಾಜಕೀಯ ಅಸ್ಥಿರತೆಯು ಶಾಸಕಾಂಗದ ಕಾರ್ಯವೈಖರಿಯ ಮೇಲೂ ನಕಾರಾತ್ಮಕ ಪರಿಣಾಮ ಬೀರಿತ್ತು. ಹಣಕಾಸು ಸುಧಾರಣೆ ಕ್ರಮಗಳು ಏರುಪೇರಾಗಿತ್ತು. 20–21 ಹಣಕಾಸು ವರ್ಷದಲ್ಲಿ ಕೋವಿಡ್ ನಿಂದಾಗಿ ಕುವೈತ್ನ ಜಿಡಿಪಿ ಶೇ 15.4ರಷ್ಟು ಕುಸಿದಿತ್ತು.

ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಬಟನ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ

error: Content is protected !!