ಬೆಂಗಳೂರು: ಇದೇ ಏಪ್ರಿಲ್ 10- 12ರೊಳಗೆ ಕರ್ನಾಟಕ ವಿಧಾನ ಸಭೆಗೆ ಚುನಾವಣೆ ನಡೆಯಲಿದ್ದು, ಬಿಜೆಪಿ ಮತ್ತೆ ಅಧಿಕಾರ ಹಿಡಿಯಲಿದೆ ಎಂದು ಹಿರಿಯ ಬಿಜೆಪಿ ನಾಯಕ ಬಿ ಎಸ್ ಯಡಿಯೂರಪ್ಪ ಹೇಳಿದ್ದಾರೆ.
ಬಿಜೆಪಿಯು ಒಗ್ಗಟ್ಟಿನ ಬಗ್ಗೆ ಕೆಲವರಲ್ಲಿ ಸಂದೇಹವಿದೆ. ಅದಕ್ಕೇನೂ ಆಗಿಲ್ಲ. ದಲಿತರು, ಮಹಿಳೆಯರ ಸಹಿತ ಮನೆ ಮನೆ ತಿರುಗಿ ಬೆಂಬಲ ಗಟ್ಟಿಗೊಳಿಸಲಾಗಿದೆ ಎಂದು ಬೆಂಗಳೂರಿನಲ್ಲಿ ಮಾತನಾಡುತ್ತ ಯಡಿಯೂರಪ್ಪ ಹೇಳಿದರು.
ಕಾಂಗ್ರೆಸ್ ಗೆಲ್ಲುವುದೆಂದರೆ ಹಣ, ಬಾಹುಬಲ, ಕೋಮು ರಾಜಕೀಯದಿಂದ. ಆ ಕಾಲ ಈಗಿಲ್ಲ. ಬಿಜೆಪಿಯು 130ರಿಂದ 140 ಸ್ಥಾನ ಗೆಲ್ಲುತ್ತದೆ ಎಂದೂ ಅವರು ಹೇಳಿದರು.
ನಿಮ್ಮ ನಾಯಕ ರಾಹುಲ್ ಗಾಂಧಿಯಾದರೆ ನಮ್ಮ ನಾಯಕರು ಮಹಾ ಬಲಶಾಲಿಗಳಾದ ಮೋದಿ ಶಾ ಎಂಬುದು ಯಡಿಯೂರಪ್ಪ ಹೇಳಿದರು.
ಸಂಸದೀಯ ಮಂಡಳಿಯ ಸದಸ್ಯರಾದ ಯಡಿಯೂರಪ್ಪನವರು ಬೆಂಗಳೂರಿನಲ್ಲಿ ಪಕ್ಷದ ವಿಶೇಷ ಕಾರ್ಯಕಾರಿಣಿ ಸಭೆಯನ್ನು ಉದ್ಘಾಟಿಸಿ ಮಾತನಾಡಿದರು.
ಕರ್ನಾಟಕ ಉಸ್ತುವಾರಿ ಅರುಣ್ ಸಿಂಗ್, ಬಿಜೆಪಿ ರಾಜ್ಯಾಧ್ಯಕ್ಷ ನಳಿನ್ ಕಟೀಲ್, ಪ್ರಹ್ಲಾದ ಜೋಶಿ, ಸದಾನಂದ ಗೌಡ, ಜಗದೀಶ ಶೆಟ್ಟರ್ ಮೊದಲಾದವರು ಉಪಸ್ಥಿತರಿದ್ದರು.
