ಹೈದರಾಬಾದ್‌: ತೆಲಂಗಾಣ ಮುಖ್ಯಮಂತ್ರಿ ಕೆ. ಚಂದ್ರಶೇಖರ್‌ ರಾವ್‌ ವಿರುದ್ಧ ಗಜ್ವೆಲ್‌ ಕ್ಷೇತ್ರದಲ್ಲಿ ಶಾಸಕ ಈಟಲ ರಾಜೇಂದ್ರ ಅವರನ್ನು ಬಿಜೆಪಿ ಕಣಕ್ಕಿಳಿಸಿದೆ ಎಂದು ಪಕ್ಷದ ಪ್ರಕಟಣೆ ತಿಳಿಸಿದೆ.

ಈಟಲ ರಾಜೇಂದ್ರ ಎರಡು ಕ್ಷೇತ್ರಗಳಿಂದ ಸ್ಪರ್ಧಿಸುತ್ತಿದ್ದು, ಅವರು ಪ್ರತಿನಿಧಿಸುತ್ತಿರುವ ಹುಜೂರಾಬಾದ್‌ನಿಂದಲೂ ಕಣಕ್ಕಿಳಿದಿದ್ದಾರೆ. ಎರಡು ಕ್ಷೇತ್ರಗಳಲ್ಲಿ ಸ್ಪರ್ಧಿಸುವ ಕುರಿತು ರಾಜೇಂದ್ರ ಅವರು ಈ ಹಿಂದೆಯೇ ಸುಳಿವು ನೀಡಿದ್ದರು. ಈಟಲ ರಾಜೇಂದ್ರ ಭೂ ಅಕ್ರಮ ಆರೋಪದ ಬಳಿಕ ಟಿಆರ್‌ಎಸ್‌ ತೊರೆದಿದ್ದ ತೆಲಂಗಾಣದ ಮಾಜಿ ಸಚಿವ ಬಿಜೆಪಿಗೆ ಸೇರ್ಪಡೆಯಾಗಿದ್ದರು.

2023 ರ ತೆಲಂಗಾಣ ರಾಜ್ಯದ ಎಲ್ಲಾ 119 ಶಾಸಕರನ್ನು ಆಯ್ಕೆ ಮಾಡಲು  ಚುನಾವಣೆಯು 3 ನವೆಂಬರ್ 2023ರಿಂದ ನಡೆಯಲಿದೆ ಮತ್ತು ಡಿಸೆಂಬರ್ 5, 2023 ರಂದು ಕೊನೆಗೊಳ್ಳುತ್ತದೆ.