ರೈತರ ಪ್ರತಿಭಟನೆ | ‘ಗೋದಿ ಮೀಡಿಯಾ ಗೋ ಬ್ಯಾಕ್!’ ಘೋಷಣೆ

Prasthutha: November 30, 2020

ನವದೆಹಲಿ : ಪ್ರಧಾನಿ ನರೇಂದ್ರ ಮೋದಿ ಸರಕಾರದ ವಿರುದ್ಧ ಸಿಡಿದೆದ್ದಿರುವ ರೈತರ ಹೋರಾಟದ ತೀವ್ರತೆ ಕ್ಷಣಕ್ಷಣಕ್ಕೂ ಹೆಚ್ಚುತ್ತಲೇ ಇದೆ. ಈ ನಡುವೆ, ರೈತರ ಆಕ್ರೋಶ ಮುಗಿಲು ಮುಟ್ಟಿದ್ದರೂ, ಪ್ರಧಾನಿ ಮೋದಿ ಅವರನ್ನು ಸಮರ್ಥಿಸಿಕೊಳ್ಳುವ ಮುಖ್ಯವಾಹಿನಿ ಮಾಧ್ಯಮಗಳಿಗೆ ರೈತ ಚಳವಳಿಗಾರರು ತೀವ್ರ ಮುಖಭಂಗ ಆಗುವಂತೆ ನಡೆದುಕೊಂಡಿದ್ದಾರೆ.

ಚಳವಳಿಯ ನಡುವೆ, ರೈತರು ಮಾಧ್ಯಮಗಳ ವಿರುದ್ಧವೂ ಆಕ್ರೋಶ ಹೊರಹಾಕುತ್ತಿರುವ ಮತ್ತು ಅವುಗಳನ್ನು ‘ಗೋದಿ ಮೀಡಿಯಾ (ಪ್ರಧಾನಿ ಮೋದಿ ಅವರನ್ನು ಓಲೈಕೆ ಮಾಡುವ ಮುಖ್ಯವಾಹಿನಿ ಮಾಧ್ಯಮಗಳಿಗೆ ಜನ ಸಾಮಾನ್ಯರು ಕೊಟ್ಟಿರುವ ಹೆಸರು)’ ಎಂದು ನೇರಾನೇರವಾಗಿ ಖಂಡಿಸಿರುವ ಘಟನೆಯ ಸಾಕಷ್ಟು ವೀಡಿಯೊಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿರುತ್ತವೆ.

‘ಗೋದಿ ಮೀಡಿಯಾ ಮುರ್ದಾಬಾದ್’, “ಗೋದಿ ಮೀಡಿಯಾ, ಗೋ ಬ್ಯಾಕ್”, “ಗೋದಿ ಮೀಡಿಯಾ ಶರಮ್ ಕರೋ” ಎಂಬ ಘೋಷಣೆಗಳನ್ನು ರೈತರು ದೊಡ್ಡದಾಗಿ ಕೂಗಿರುವ ವೀಡಿಯೊಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿವೆ.

ಆಜ್ ತಕ್ ವರದಿಗಾರರ ಜೊತೆ ಮಾತನಾಡಲು ರೈತರು ನೇರವಾಗಿ ನಿರಾಕರಿಸಿದ್ದಾರೆ. “ಇಲ್ಲ, ನಾವು ಆಜ್ ತಕ್ ಜೊತೆ ಮಾತನಾಡುವುದಿಲ್ಲ’’ ಎಂದು ರೈತರು ಹೇಳಿದ್ದಾರೆ.

ಝೀ ನ್ಯೂಸ್ ನ ಸುಧೀರ್ ಚೌಧರಿ ರೈತರ ಚಳವಳಿಯ ಹಿಂದೆ “ಖಲಿಸ್ತಾನಿ’ಗಳ ಕೈವಾಡವಿದೆ ಎಂದು ಪ್ರತಿಪಾದಿಸಿದ್ದರು. ಇದಕ್ಕೆ ಆಕ್ರೋಶ ವ್ಯಕ್ತಪಡಿಸಿರುವ ರೈತರು, ಖಲಿಸ್ತಾನ್ ಗಾಗಿ ನಾವು ಹೋರಾಟ ಮಾಡುತ್ತಿದ್ದೇವೆ ಎಂದು ಹೇಳುವವರು ಸ್ವತಃ ಭಾರತೀಯರು ಆಗಿರಲು ಸಾಧ್ಯವಿಲ್ಲ ಎಂದು ರೈತ ಮುಖಂಡರೊಬ್ಬರು ಹೇಳಿದ್ದಾರೆ.

ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಬಟನ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ

error: Content is protected !!