ವಾಷಿಂಗ್ಟನ್‌ : “ಚೀನಾದ ವುಹಾನ್‌ ಲ್ಯಾಬ್‌ ನಿಂದ ಕೋವಿಡ್‌ ವೈರಸ್‌ ಸೋರಿಕೆಯಾಗಿದೆ ಎಂದು ಹೇಳಲಾಗುತ್ತಿರುವ ಊಹೆಯ ಸಮರ್ಥನೀಯ ಮತ್ತು ತನಿಖೆಗೆ ಅರ್ಹವಾಗಿದೆ” ಎಂದು ಅಮೆರಿಕದ ರಾಷ್ಟ್ರೀಯ ಪ್ರಯೋಗಲಾಯದ ಅಧ್ಯಯನ ಹೇಳಿರುವುದಾಗಿ ʼದಿ ವಾಲ್‌ ಸ್ಟ್ರೀಟ್‌ ಜರ್ನಲ್‌ʼ ವರದಿ ಮಾಡಿದೆ.
- Advertisement -
ಕ್ಯಾಲಿಫೋರ್ನಿಯಾದ ‘ಲಾರೆನ್ಸ್‌ ಲಿವರ್ಮೋರ್‌ ರಾಷ್ಟ್ರೀಯ ಪ್ರಯೋಗಾಲಯʼವು ಈ ಅಧ್ಯಯನವನ್ನು 2020 ರ ಮೇ ತಿಂಗಳಿನಲ್ಲಿ ಸಿದ್ಧಪಡಿಸಿತ್ತು.
ಕೋವಿಡ್‌ ವಂಶವಾಹಿ ವಿಶ್ಲೇಷಣೆಯ ಬಗ್ಗೆ ‘ಲಾರೆನ್ಸ್‌ ಲಿವರ್ಮೋರ್‌ʼನ ಅಧ್ಯಯನ ಗಮನ ಸೆಳೆದಿತ್ತು ಎಂದು ವಾಲ್‌ ಸ್ಟ್ರೀಟ್‌ ಜರ್ನಲ್‌ ಹೇಳಿದೆ. ಆದರೆ, ʼವಾಲ್‌ ಸ್ಟ್ರೀಟ್‌ ಜರ್ನಲ್‌ʼ ವರದಿಯ ಬಗ್ಗೆ ‘ಲಾರೆನ್ಸ್‌ ಲಿವರ್ಮೋರ್‌ʼ ಪ್ರತಿಕ್ರಿಯಿಸಲು ನಿರಾಕರಿಸಿದೆ.
- Advertisement -
ಈ ನಡುವೆ ಅಮೆರಿಕ ಅಧ್ಯಕ್ಷ ಜೋ ಬೈಡನ್‌ ಈಗಾಗಲೇ ಮಾಹಿತಿ ಸಂಗ್ರಹಿಸಲು ತಮ್ಮ ಗುಪ್ತಚರ ಸಂಸ್ಥೆಗಳಿಗೆ ಆದೇಶಿಸಿದ್ದಾರೆ. ಗುಪ್ತಚರ ಸಂಸ್ಥೆಗಳು ಈ ಎರಡೂ ಸಾಧ್ಯತೆಗಳಲ್ಲಿ ಒಂದನ್ನು ದೃಢವಾಗಿ ಪ್ರತಿಪಾದಿಸುವ ನಿರ್ಧಾರಕ್ಕೆ ಬಂದಿಲ್ಲ.
