November 26, 2020

‘ಲವ್ ಜಿಹಾದ್’ ಹೆಸರಿನಲ್ಲಿ ಹಿಂದೂ ಮಹಿಳೆಯರ ಸಾಂವಿಧಾನಿಕ ಹಕ್ಕು ಕೊನೆಗೊಳಿಸಲು ಬಿಜೆಪಿ ಯತ್ನ : AIPWA

ನವದೆಹಲಿ : ಬಿಜೆಪಿ ಆಡಳಿತದ ರಾಜ್ಯಗಳಲ್ಲಿ ‘ಲವ್ ಜಿಹಾದ್’ ಹೆಸರಲ್ಲಿ ಹಿಂದೂ ಮಹಿಳೆಯರ ಸಾಂವಿಧಾನಿಕ ಹಕ್ಕುಗಳನ್ನು ಕೊನೆಗೊಳಿಸಲು ಯತ್ನಿಸಲಾಗುತ್ತಿದೆ ಎಂದು ಅಖಿಲ ಭಾರತ ಪ್ರಗತಿಪರ ಮಹಿಳಾ ಸಂಘ (ಎಐಪಿಡಬ್ಲ್ಯೂಎ) ಅಭಿಪ್ರಾಯ ಪಟ್ಟಿದೆ.

ದ್ವೇಷದ ವಿರುದ್ಧ ಒಳ್ಳೆಯ ಕಾನೂನು ಮಾಡಿ, ಪ್ರೀತಿಯ ವಿರುದ್ಧ ಅಲ್ಲ ಎಂದು ಸಂಘಟನೆಯು ಒತ್ತಾಯಿಸಿದೆ.

ಅಂತಹ ಯಾವುದೇ ಕಾನೂನನ್ನು ನಾವು ಪ್ರಬಲವಾಗಿ ವಿರೋಧಿಸುತ್ತೇವೆ. ಯಾಕೆಂದರೆ, ಇದು ಹಿಂದೂ ಮಹಿಳೆಯರ ಸ್ವಾತಂತ್ರ್ಯ ಮತ್ತು ತಮ್ಮ ಜೀವನವನ್ನು ಆಯ್ಕೆ ಮಾಡಿಕೊಳ್ಳುವ ಸಾಂವಿಧಾನಿಕ ಹಕ್ಕಿನ ಮೇಲಿನ ದಾಳಿ ಎಂದು ಎಐಪಿಡಬ್ಲ್ಯೂಎ ರಾಷ್ಟ್ರೀಯ ಅಧ್ಯಕ್ಷೆ ರತಿ ರಾವ್ ಹೇಳಿದ್ದಾರೆ.

ಭಾರತವು ನಂಬಿಕೆಯಿಟ್ಟಿರುವ ಅಂಬೇಡ್ಕರ್ ಅವರ ಸಂವಿಧಾನದಲ್ಲಿ ಅಂತಹ ಯಾವುದೇ ಕಾನೂನಗಳಿಲ್ಲ ಎಂದು ಅವರು ತಿಳಿಸಿದ್ದಾರೆ.

ಹಲವು ಬಿಜೆಪಿ ಆಡಳಿತದ ರಾಜ್ಯಗಳು ‘ಲವ್ ಜಿಹಾದ್’ ವಿರುದ್ಧ ಕಾನೂನು ಮಾಡುತ್ತೇವೆ ಎನ್ನುತ್ತಿವೆ. ಸ್ವತಃ ಬಿಜೆಪಿ ನೇತೃತ್ವದ ಕೇಂದ್ರ ಸರಕಾರ, ಬಿಜೆಪಿ ಆಡಳಿತವಿರುವ ಉತ್ತರ ಪ್ರದೇಶ ಪೊಲೀಸರ ತನಿಖಾ ವರದಿಯಲ್ಲಿ ‘ಲವ್ ಜಿಹಾದ್’ನಂತಹ ಯಾವುದೇ ಅಂಶಗಳಿಲ್ಲ ಎನ್ನಲಾಗಿದೆ. ಆದರೂ, ರಾಜಕೀಯ ದುರುದ್ದೇಶದಿಂದ ಬಿಜೆಪಿಗರು ಮತ್ತು ಅದರ ಸಹ ಸಂಘಟನೆಗಳು ಅದರ ಬಗ್ಗೆ ಮಾತನಾಡುತ್ತಿವೆ.

ಟಾಪ್ ಸುದ್ದಿಗಳು

ವಿಶೇಷ ವರದಿ