ಯಡಿಯೂರಪ್ಪನವರ ನೋಡಲಾಗದಂತಹ CDಯೂ ಇದೆ : ಯತ್ನಾಳ್ ಸ್ಫೋಟಕ ಆರೋಪ

Prasthutha|

ಬಾಗಲಕೋಟೆ : ರಾಜ್ಯ ರಾಜಕಾರಣದಲ್ಲಿ ಮತ್ತೆ ಸಿಡಿ ರಾಜಕಾರಣ ಸದ್ದು ಮಾಡುತ್ತಿದೆ. ಈ ಬಾರಿ ಸಿಎಂ ಯಡಿಯೂರಪ್ಪ ವಿರುದ್ಧ ಸ್ವಪಕ್ಷೀಯರೇ ಸಿಡಿ ಬಗ್ಗೆ ಮಾತನಾಡುತ್ತಿದ್ದಾರೆ. ಸಿಡಿಯಲ್ಲಿ ಸಿಎಂ ಯಡಿಯೂರಪ್ಪನವರ ಭ್ರಷ್ಟಾಚಾರ ಮಾತ್ರ ಇಲ್ಲ. ನೋಡಲು ಆಗದಂತಹ ಸಿಡಿಗಳೂ ಇವೆ ಎಂದು ಬಿಜೆಪಿ ಶಾಸಕ ಬಸನಗೌಡ ಪಾಟೀಲ್ ಯತ್ನಾಳ್ ಇಂದು ಹೊಸ ಬಾಂಬ್ ಸಿಡಿಸಿದ್ದಾರೆ.

- Advertisement -

ಬಾಗಲಕೋಟೆಯಲ್ಲಿ ಮಾತನಾಡಿದ ಯತ್ನಾಳ್, ನಾನು ಮೌಲ್ಯಾಧಾರಿತ ರಾಜಕಾರಣ ಮಾಡುತ್ತಿದ್ದೇನೆ. ನನ್ನ ಬಳಿ 3 ಜನ ಬಂದಿದ್ದು, ಅವರ ಬಳಿ ಸಿಡಿಗಳಿವೆ. ಸಿಡಿಗಳನ್ನೆಲ್ಲ ಇಟ್ಟುಕೊಂಡು ಆಟವಾಡುವ ವ್ಯಕ್ತಿ ನಾನಲ್ಲ. ಅಂತಹ ಸಿಡಿ ಇಟ್ಕೊಂಡು ನಾನು ಆಟ ಆಡುವವನಾಗಿದ್ದರೆ, ಇಂದು ಡಿಸಿಎಂ ಆಗಿರುತ್ತಿದ್ದೆ ಎಂದಿದ್ದಾರೆ.

ಡಿಕೆಶಿ, ಜಾರ್ಜ್, ಜಮೀರ್ ಅಹ್ಮದ್ ಬಳಿಯೂ ಆ ಸಿಡಿಗಳಿವೆ. ನೀವು ಯಡಿಯೂರಪ್ಪ, ವಿಜಯೇಂದ್ರನವರ ಜೊತೆ ಅಡ್ಜಸ್ಟ್ ಮೆಂಟ್ ಮಾಡಿಕೊಂಡಿಲ್ಲ ಎಂದಾದರೆ, ಆ ಸಿಡಿ ಬಹಿರಂಗಗೊಳಿಸಿ. ಕಾಂಗ್ರೆಸ್ ನವರಿಗೆ ನೈತಿಕತೆ ಇದ್ದರೆ, ನಿಜವಾದ ವಿಪಕ್ಷ ಸ್ಥಾನದಲ್ಲಿ ಅವರಿದ್ದರೆ ಆ ಸಿಡಿಗಳನ್ನು ರಿಲೀಸ್ ಮಾಡಲಿ ಎಂದು ಯತ್ನಾಳ್ ಸವಾಲು ಹಾಕಿದ್ದಾರೆ.   

Join Whatsapp