ಮಕ್ಕಳ ವೇಷ ಧರಿಸಿ ಬರುವ ವಯಸ್ಕರಿಗೆ ವಂಡರ್‌ ಲಾ ವತಿಯಿಂದ ವಿಶೇಷ ಆಫರ್‌ !

ಬೆಂಗಳೂರು:  ಮಕ್ಕಳ ದಿನಾಚರಣೆಯನ್ನು ವಿಶೇಷವಾಗಿ ಆಚರಿಸಲು ಮುಂದಾಗಿರುವ ವಂಡರ್‌ ಲಾ ಹಾಲಿಡೀಸ್‌, ದೊಡ್ಡವರು ಮಕ್ಕಳ ರೀತಿ ಉಡುಪು ಧರಿಸಿ ಬಂದರೆ, ಅವರಿಗೆ  ಮಕ್ಕಳ ಟಿಕೆಟ್‌ ನೀಡುವುದಾಗಿ ಘೋಷಿಸಿದೆ.

ಹೌದು, ಪ್ರತಿ ವಿಶೇಷ ದಿನಗಳನ್ನು ವಿಶೇಷವಾಗಿ ಆಚರಿಸುತ್ತಾ ಬಂದಿರುವ ವಂಡರ್‌ ಲಾ ಈ ಮಕ್ಕಳ ದಿನಾಚರಣೆಯನ್ನೂ ಸಹ ದೊಡ್ಡವನ್ನೂ ಮಕ್ಕಳನ್ನಾಗಿಸುವ ಮೂಲಕ ಮಕ್ಕಳ ಮುಗ್ಧ ಮನಸ್ಥಿತಿ ಹೊಂದುವುದರ ಪ್ರಾಮುಖ್ಯತೆಯನ್ನು ಸಾರುತ್ತಿದೆ.

- Advertisement -

ನವೆಂಬರ್‌ 12 ರಿಂದ 14 ರವರೆಗೆ ಈ ಆಫರ್‌ ಚಾಲ್ತಿಯಲ್ಲಿರಲಿದೆ.  ದೊಡ್ಡವರು ಮಕ್ಕಳಾಗುವುದು ಎಂದರೆ,  ಚಿಕ್ಕ ಮಕ್ಕಳಿನಂತೆ ಶಾಲಾ ಸಮವಸ್ತ್ರ ಧರಿಸಿ,  ಒಂದು ಕೈಯಲ್ಲಿ ಬಾಟಲ್‌, ಮತ್ತೊಂದು ಕೈಲಿ ಲಾಲಿಪಾಪ್‌ ಕ್ಯಾಂಡಿ, ಚಿಕ್ಕ ಮಕ್ಕಳ ಬ್ಯಾಗ್‌ (ಹಳೆಯ ಶೈಲಿಯಲ್ಲಿ) ಸೇರಿದಂತೆ ಸಣ್ಣ ಮಕ್ಕಳು ಶಾಲೆಗೆ ಹೋಗುವಾಗ ಹೇಗೆ ಸಿದ್ಧವಾಗುತ್ತಿದ್ದರೂ ಅದೇ ಶೈಲಿಯಲ್ಲಿ ಸಿದ್ಧವಾಗಿ ಬಂದವರು ಮಾತ್ರ ಈ ಮಕ್ಕಳ ಟಿಕೆಟ್‌ಗೆ ಅರ್ಹರಾಗಿರುತ್ತಾರೆ.

ವಯಸ್ಕರಲ್ಲಿಯೂ ಮಗುವಿನ ಮನಸ್ಸನ್ನು ಜೀವಂತವಾಗಿಡುವ ಉದ್ದೇಶದಿಂದ ಈ ಆಫರ್ ಘೋಷಿಸಿದ್ದೇವೆ ಎಂದು ವಂಡರ್‌ಲಾ ಹಾಲಿಡೇಸ್‌ನ ವ್ಯವಸ್ಥಾಪಕ ನಿರ್ದೇಶಕ ಅರುಣ್‌ ಕೆ. ಚಿಟ್ಟಿಲಪಿಳ್ಳಿ ಅವರು ಹೇಳಿದ್ದಾರೆ.

ಮಕ್ಕಳಂತೆ ಸಿದ್ಧವಾಗಿ ಬರುವವ ಮೊದಲ 1000 ಜನರಿಗೆ ಈ ಟಿಕೆಟ್‌ ಲಭ್ಯವಿರಲಿದೆ. ಹೀಗೆ ಸಿದ್ಧವಾಗಿ ಬಂದವರನ್ನು ಒಂದೆಡೆ ಸೇರಿಸಿ ಅವರಿಗೆ ವೋಚರ್‌ ನೀಡಲಾಗುವುದು, ಈ ವೋಚರ್‌ನ ಮೂಲಕ ಅವರು ಟಿಕೆಟ್‌ ಕೌಂಟರ್‌ನಲ್ಲಿ ಮಕ್ಕಳ ಟಿಕೆಟ್‌ ಪಡೆಯಬಹುದು.

ಇದಷ್ಟೇ ಅಲ್ಲದೇ, ಚಿತ್ರಕಲಾ ಸ್ಪರ್ಧೆ, ಸಲಾಡ್ ಡ್ರೆಸ್ಸಿಂಗ್, ಟ್ಯಾಲೆಂಟ್ ಶೋ, ಹಾಡುಗಾರಿಕೆ, ಕಥೆ ಹೇಳುವುದು ಮುಂತಾದ ಮನರಂಜನಾ ಚಟುವಟಿಕೆಗಳನ್ನು ಸಹ ಆಯೋಜಿಸಲಾಗಿದ್ದು, ಗೆದ್ದವರಿಗೆ ಬಹುಮಾನವಿರಲಿದೆ. ಚಟುವಟಿಕೆಗಳಿಗೆ ಅಗತ್ಯವಿರುವ ಎಲ್ಲಾ ಅಗತ್ಯ ವಸ್ತುಗಳನ್ನು ವಂಡರ್ಲಾ ಒದಗಿಸಲಿದೆ.

ಹೆಚ್ಚಿನ ವಿವರಗಳಿಗಾಗಿ  https://www.wonderla.com/offers/childrens-day-offer.html ಈ ವೆಬ್‌’ಸೈಟ್‌’ಗೆ ಭೇಟಿ ನೀಡಬಹುದು ಎಂದು ಪ್ರಕಟಣೆ ತಿಳಿಸಿದೆ.