ನಾವು ಜನರ ಮನಸ್ಸು ಗೆಲ್ಲಬೇಕು, ವೈಯಕ್ತಿಕವಾಗಿ ನಿಂದನೆ ಸರಿಯಲ್ಲ: ನಳಿನ್ ಗೆ ಸಿಎಂ ಕಿವಿಮಾತು

ಹುಬ್ಬಳ್ಳಿ: ನಾವು ಜನರ ಮನಸ್ಸು ಗೆಲ್ಲಬೇಕು, ವೈಯಕ್ತಿಕವಾಗಿ ನಿಂದನೆ ಸರಿಯಲ್ಲ ಎಂದು  ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಬಿಜೆಪಿ ರಾಜ್ಯಾಧ್ಯಕ್ಷ ನಳಿನ್ ಕುಮಾರ್ ಕಟೀಲ್ ಗೆ ರಾಹುಲ್ ಗಾಂಧಿ ಬಗ್ಗೆ ಮಾತನಾಡಿದ್ದಕ್ಕೆ ಕಿವಿಮಾತು ಹೇಳಿದ್ದಾರೆ.

ಈ ಬಗ್ಗೆ ನಗರದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದಂತ ಅವರು, ನಾವು ಜನರ ಸಮಸ್ಯೆ, ಕ್ಷೇತ್ರಗಳ ಅಭಿವೃದ್ಧಿಯಂತಹ ವಿಚಾರಗಳ ಕುರಿತಂತೆ ಯೋಚಿಸಿ, ಬಗೆ ಹರಿಸೋ ಪ್ರಯತ್ನ ನಡೆಸಬೇಕು. ಅದನ್ನು ಬಿಟ್ಟು ವಾದಕ್ಕೆ ಬಿದ್ದವರಂತೆ ವಾದ ಮಾಡೋದು ಸರಿಯಲ್ಲ. ಮಾಧ್ಯಮಗಳು ಜನರ ಧ್ವನಿಯನ್ನು ಬಿಂಬಿಸುತ್ತಿವೆ ಎಂದು ಹೇಳಿದರು.