ನವದೆಹಲಿ : ರಿಪಬ್ಲಿಕ್ ಟಿವಿ ವರದಿಗಾರ ಹಾಗೂ ರಿಪಬ್ಲಿಕ್ ಭಾರತ್ ಪ್ರೈಮ್ ಟೈಮ್ ಶೋ ನಿರೂಪಕ ವಿಕಾಸ್ ಶರ್ಮಾ, ಕೋವಿಡ್ 19 ಸಂಬಂಧಿ ಸಮಸ್ಯೆಗಳಿಂದ ನಿಧನರಾಗಿದ್ದಾರೆ.

ಗುರುವಾರ ರಾತ್ರಿ ಅವರು ಕೋವಿಡ್ 19 ಸೋಂಕಿನಿಂದ ಉಂಟಾದ ಸಮಸ್ಯೆಗಳಿಂದ ಕೊನೆಯುಸಿರೆಳೆದಿದ್ದಾರೆ ಎಂದು ತಿಳಿದುಬಂದಿದೆ.

ವಿಕಾಸ್ ಶರ್ಮಾ ನಿಧನಕ್ಕೆ ಪತ್ರಿಕಾರಂಗದ ಪ್ರಮುಖರು ಸಂತಾಪ ಸೂಚಿಸಿದ್ದಾರೆ. ರಿಪಬ್ಲಿಕ್ ಟಿವಿಗೆ ವರದಿಗಳನ್ನೂ ಮಾಡುತ್ತಿದ್ದ ಅವರು, ರಿಪಬ್ಲಿಕ್ ಭಾರತ್ ನಲ್ಲಿ ರಾತ್ರಿ 9 ಗಂಟೆಯ ಪ್ರೈಮ್ ಟೈಮ್ ಶೋ ನಡೆಸಿಕೊಡುತ್ತಿದ್ದರು.