ಅಮೆರಿಕ ಅಧ್ಯಕ್ಷೀಯ ಚುನಾವಣೆ | ಜೋ ಬೈಡನ್ ಗೆ 306 ಮತ, ಟ್ರಂಪ್ ಗೆ 232 ಮತ

Prasthutha: November 14, 2020

ವಾಷಿಂಗ್ಟನ್ : ಅಮೆರಿಕದ ನೂತನ ಅಧ್ಯಕ್ಷರಾಗಿ ಡೆಮಾಕ್ರಟಿಕ್ ಅಭ್ಯರ್ಥಿ ಜೋ ಬೈಡನ್ ಅವರೇ ಆಯ್ಕೆಯಾಗುವುದು ಬಹುತೇಕ ಖಚಿತವಾಗಿದೆ. ಜಾರ್ಜಿಯಾದಲ್ಲಿ ಬೈಡನ್ ಗೆಲುವು ಖಚಿತಗೊಂಡಿದ್ದು, ಉತ್ತರ ಕರೊಲಿನಾದಲ್ಲಿ ಟ್ರಂಪ್ ವಿಜಯ ಸಾಧಿಸಲಿದ್ದಾರೆ.

ಈ ಎರಡು ಅಂತಿಮ ರಾಜ್ಯಗಳ ಫಲಿತಾಂಶಗಳ ಬಳಿಕ ಬೈಡನ್ 306 ಎಲೆಕ್ಟ್ರಲ್ ಕಾಲೇಜ್ ಮತಗಳನ್ನು ಮತ್ತು ಟ್ರಂಪ್ 232 ಮತಗಳನ್ನು ಪಡೆದಿದ್ದಾರೆ ಎಂದು ಹಲವು ಸುದ್ದಿ ವಾಹಿನಿಗಳು ವರದಿ ಮಾಡಿವೆ.

ಅಮೆರಿಕ ಅಧ್ಯಕ್ಷೀಯ ಚುನಾವಣೆಯಲ್ಲಿ ಬಹುಮತ ಸಾಧಿಸಲು 270 ಮತಗಳು ಬೇಕಾಗಿದ್ದು, ಜೋ ಬೈಡನ್ ಈ ಅಂತರವನ್ನು ದಾಟಿ ಪೂರ್ಣ ಬಹುಮತವನ್ನು ಸಾಧಿಸಿದ್ದಾರೆ. ಆದರೆ, ಟ್ರಂಪ್ ಈ ಫಲಿತಾಂಶವನ್ನು ನಿರಾಕರಿಸಿರುವುದರಿಂದ, ಅಂತಿಮವಾಗಿ ಅಧಿಕೃತ ಫಲಿತಾಂಶ ಹೊರಬೀಳುವವರೆಗೆ ಕಾಯಬೇಕಾಗಿದೆ.

ಬೈಡನ್ ಗೆಲುವಿನ ಸೂಚನೆಯ ಬಳಿಕ, ಮೊದಲ ಬಾರಿ ಬಹಿರಂಗ ಪತ್ರಿಕಾಗೋಷ್ಟಿ ನಡೆಸಿರುವ ಟ್ರಂಪ್, ಹೊಸ ಆಡಳಿತ ಬರುವ ಬಗ್ಗೆ ಕೊಂಚ ಮುನ್ಸೂಚನೆ ನೀಡಿದ್ದಾರಾದರೂ, ತಮ್ಮ ಸೋಲಿನ ಬಗ್ಗೆ ಖಚಿತವಾಗಿ ಏನೂ ಮಾತನಾಡಿಲ್ಲ.  

ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಬಟನ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ

error: Content is protected !!