ಇಸ್ರೇಲ್ ಜೊತೆಗಿನ ವೀಸಾ ವಿನಾಯ್ತಿ ಒಪ್ಪಂದ ಅಮಾನತುಗೊಳಿಸಿದ ಯುಎಇ

ಟೆಲ್ ಅವೀವ್ : ಯುನೈಟೆಡ್ ಅರಬ್ ಎಮಿರೇಟ್ಸ್ (ಯುಎಇ) ಇಸ್ರೇಲ್ ಜೊತೆಗಿನ ವೀಸಾ ವಿನಾಯ್ತಿ ನೀತಿಯನ್ನು ತಾತ್ಕಾಲಿಕವಾಗಿ ಅಮಾನತುಗೊಳಿಸಿದೆ. ಕೊರೊನ ವೈರಸ್ ಭೀತಿಯಿಂದ ಇಸ್ರೇಲ್  ಜೊತೆಗಿನ ವೀಸಾ ವಿನಾಯ್ತಿ ನೀತಿ ತಾತ್ಕಾಲಿಕವಾಗಿ ತಡೆ ಹಿಡಿಯಲಾಗಿದೆ ಎಂದು ಇಸ್ರೇಲಿ ವಿದೇಶಾಂಗ ಸಚಿವಾಲಯ ತಿಳಿಸಿದೆ.

ಕೊರೊನ ವೈರಸ್ ಸೋಂಕು ಹರಡುವುದನ್ನು ತಡೆಯುವ ನಿಟ್ಟಿನಲ್ಲಿ, ಯುಎಇ ಇಸ್ರೇಲ್ ಜೊತೆಗಿನ ಒಪ್ಪಂದವನ್ನು ಜು.1ರ ವರೆಗೆ ಅಮಾನತುಗೊಳಿಸಿದೆ ಎಂದು ವರದಿಗಳು ತಿಳಿಸಿವೆ.

ಸಾರ್ವಜನಿಕ ಆರೋಗ್ಯದ ಭೀತಿಯಲ್ಲಿ ಒಪ್ಪಂದ ಅಮಾನತುಗೊಳಿಸಬಹುದಾದ ನಿಯಮನುಸಾರ ಈ ಕ್ರಮ ಕೈಗೊಳ್ಳಲಾಗಿದೆ. ಯುಎಇ ಭಾರತ, ಪಾಕಿಸ್ತಾನ ಮತ್ತು ಇತರ ಯುರೋಪ್ ರಾಷ್ಟ್ರಗಳ ವಿರುದ್ಧವೂ ಯುಎಇ ಇಂತಹುದೇ ಕ್ರಮಗಳನ್ನು ಕೈಗೊಂಡಿದೆ ಎಂದು ಇಸ್ರೇಲಿ ವಿದೇಶಾಂಗ ಸಚಿವಾಲಯ ತಿಳಿಸಿದೆ.