ನವದೆಹಲಿ: ಅರುಣಾಚಲ ಪ್ರದೇಶದಿಂದ ಚೀನಾ ಸೈನಿಕರಿಂದ ಅಪಹರಣಕ್ಕೊಳಗಾದ ಸಂತ್ರಸ್ತ ಭಾರತೀಯ ಯುವಕ ಮಿರಾಮ್ ಟ್ಯಾರೋನ್ ಮಾಧ್ಯಮಗಳೊಂದಿಗೆ ಪ್ರತಿಕ್ರಿಯಿಸುತ್ತಾ, “ಚೀನಾದ ವಶದಲ್ಲಿದ್ದ ನನ್ನನ್ನು ಕಟ್ಟಿಹಾಕಿ, ಒದ್ದು ವಿದ್ಯುತ್ ಶಾಕ್ ನೀಡಲಾಗಿತ್ತು. ಈ ವೇಳೆ ಚೀನಾ ಸೈನಿಕರು ನನ್ನನ್ನು ಕೊಲ್ಲುತಾರೆ ಎಂದೇ ಭಾವಿಸಿದ್ದೆ” ಎಂದು ತಮ್ಮ ಕರಾಳ ಅನುಭವವನ್ನು ಹಂಚಿಕೊಂಡಿದ್ದಾರೆ.
ಜನವರಿ 18 ರಂದು ಸ್ನೇಹಿತ ಜಾನಿ ಯಾಯಿಂಗ್ ಎಂಬವನೊಂದಿಗೆ ಅವರೊಂದಿಗೆ ಬೇಟೆಯಾಡಲು ತೆರಳಿದ್ದ ಸಂದರ್ಭದಲ್ಲಿ ನನ್ನನ್ನು ನಿಯಂತ್ರಣ ರೇಖೆಯ ಬಳಿಯ ಲುಂಗ್ವಾ ಜೋರ್ ಎಂಬಲ್ಲಿಂದ ಅಪಹರಿಸಿದ್ದರು. ಈ ಮಧ್ಯೆ ಯಾಯಿಂಗ್ ಅಲ್ಲಿಂದ ತಪ್ಪಿಸಿಕೊಂಡು ಭಾರತೀಯ ಅಧಿಕಾರಿಗಳಿಗೆ ಮಾಹಿತಿ ತಿಳಿಸಿದ್ದಾರೆ.
ಚೀನಾದ ಸೈನಿಕರಿಂದ ಅಪಹರಣದಿಂದಾಗಿ ಭಯಭೀತನಾಗಿದ್ದೆ ಮತ್ತು ನಡುಗಿದ್ದೆ ಎಂಬ ತಮ್ಮ ಭಯಾನಕ ಅನುಭವವನ್ನು ಹಂಚಿಕೊಂಡಿದ್ದಾರೆ. ಈ ಸಂದರ್ಭದಲ್ಲಿ ಭಯದಿಂದ ನನಗೆ ಅಳಲು ಕೂಡ ಸಾಧ್ಯವಾಗಲಿಲ್ಲ. ಎರಡು ಸಲ ವಿದ್ಯುತ್ ಶಾಕ್ ಕೂಡ ನೀಡಲಾಗಿತ್ತು ಎಂದು ಆರೋಪಿಸಿದರು.
ಈ ಮಧ್ಯೆ ಜನವರಿ 27 ರಂದು ಸಂತ್ರಸ್ತ ಯುವಕನನ್ನು ಅಂಜಾವ್ ಜಿಲ್ಲೆಯಿಂದ ಭಾರತೀಯ ಸೇನೆಗೆ ಹಸ್ತಾಂತರಿಸಲಾಗಿತ್ತು.
