ಉಳ್ಳಾಲ | ಪತಿ ಮೃತರಾಗಿ ಎರಡೇ ಗಂಟೆಯಲ್ಲಿ ಪತ್ನಿಯ ಮರಣ!

ನ್ಯುಮೋನಿಯಾದಿಂದ ಬಳಲುತ್ತಿದ್ದವರೊಬ್ಬರೊಬ್ಬರು ನಿನ್ನೆ ರಾತ್ರಿ ಮೃತಪಟ್ಟಿದ್ದು, ನಂತರ ಎರಡೇ ಗಂಟೆಯ ಅವಧಿಯಲ್ಲಿ ಅವರ ಪತ್ನಿಯೂ ಮೃತಪಟ್ಟಿರುವ ಕರುಣಾಜನಕ ಘಟನೆ ಉಳ್ಳಾಲದ ಮಾಸ್ತಿಕಟ್ಟೆ ಎಂಬಲ್ಲಿ ನಡೆದಿದೆ.

ಮೃತಪಟ್ಟವರನ್ನು ಉಳ್ಳಾಲದಲ್ಲಿ ಎಲ್ಲರಿಗೂ ಚಿರಪರಿಚಿತರಾಗಿ ಸದಾ ಹಸನ್ಮುಖಿಯಾಗಿದ್ದ ಸಮಾಜ ಸೇವಕ ನಝೀರ್ ಅಹ್ಮದ್ ಎಂದು ಗುರುತಿಸಲಾಗಿದೆ. ಅವರು ರಾತ್ರಿ ಒಂದು ಗಂಟೆಗೆ ಮೃತಪಟ್ಟಿದ್ದು, ಅವರ ಪತ್ನಿ ತಡರಾತ್ರಿ ಮೂರು ಗಂಟೆಯ ಹೊತ್ತಿಗೆ ಮೃತಪಟ್ಟಿದ್ದಾರೆ ಎನ್ನಲಾಗಿದೆ. ಬೆಳಿಗ್ಗೆ ಘಟನೆ ತಿಳಿದು ಇಡೀ ಉಳ್ಳಾಲದ ಜನತೆ ಶೋಕ ಸಾಗರದಲ್ಲಿ ಮುಳುಗಿದೆ.

ವಿಕಲಾಂಗರಾಗಿದ್ದ ನಝೀರ್ ಅಹ್ಮದ್ ಸರಕಾರಿ ಮತ್ತು ಸರಕಾರೇತರ ಸೌಲಭ್ಯ ದಾಖಲೆ ರಚಿಸುವಿಕೆ ಕೆಲಸ ಮಾಡುತ್ತಿದ್ದರು.