ಪತ್ನಿಯ ಹತ್ಯೆಗೈದು ರುಂಡದೊಂದಿಗೆ ಅಲೆದಾಡಿದ ಪತಿ!

ಕೋಲ್ಕತಾ: ಪತ್ನಿಯ ಹತ್ಯೆ ಮಾಡಿ ಶವದ ತಲೆ ಕಡಿದು ಕೈಯಲ್ಲಿ ಹಿಡಿದುಕೊಂಡು ಅಲೆದಾಡುತ್ತಿ ವ್ಯಕ್ತಿಯೊಬ್ಬನನ್ನು ಬಂಧಿಸಲಾಗಿದೆ ಎಂದ ಬುಧವಾರ ತಿಳಿಸಿದ್ದಾರೆ.

ಗೌತಮ್ ಗುಚ್ಚೈತ್ (40) ಬಂಧಿತ ವ್ಯಕ್ತಿ. ರಕ್ತದಲ್ಲಿ ತೊಯ್ದು ಮಹಿಳೆಯ ರುಂಡದೊಂದಿಗೆ ಅಲೆದಾಡುತ್ತಿದ್ದ ಗೌತಮ್ ನನ್ಬು ಚಿಸ್ತಿಪುರ ಬಸ್ ನಿಲ್ದಾಣದ ಬಳಿ ಸ್ಥಳೀಯರು ಗಮನಿಸಿದ್ದಾರೆ. ಕತ್ತರಿಸಿದ ತಲೆಯನ್ನು ಕೈಯಲ್ಲಿ ಹಿಡಿದುಕೊಂಡಿದ್ದನು.

ಸ್ಥಳಕ್ಕೆ ದೌಡಾಯಿಸಿದ ಪೊಲೀಸರು ಆತನನ್ನು ಬಂಧಿಸಿದ್ದಾರೆ.

ಪೊಲೀಸರ ಪ್ರಕಾರ, ಗೌತಮ್ ಗುಚ್ಚೈತ್ ಮಾನಸಿಕವಾಗಿ ಅಸ್ಥಿರವಾಗಿದ್ದು, ಕೌಟುಂಬಿಕ ಕಲಹದ ಹಿನ್ನೆಲೆಯಲ್ಲಿ ಪತ್ನಿಯನ್ನು ಕೊಂದು ಹರಿತವಾದ ಆಯುಧದಿಂದ ಆಕೆಯ ತಲೆಯನ್ನು ತುಂಡರಿಸಿದ್ದಾನೆ.

ಗೌತಮ್ ಗುಚ್ಚೈತ್‌ನನ್ನು ಬಂಧಿಸಿದ ಪೊಲೀಸರು ಆತನ ಮನೆಯನ್ನು ಹುಡುಕಿ ಹೆಂಡತಿಯ ಶವವನ್ನು ಕಂಡುಕೊಂಡಿದ್ದು, ತನಿಖೆ ನಡೆಸುತ್ತಿದ್ದಾರೆ.