ಲೈವ್ ನ್ಯೂಸ್ ವೇಳೆ ನಿರೂಪಕನ ಮೇಲೆ ಬಿದ್ದ ಸ್ಟುಡಿಯೋ ಸೆಟ್!

Prasthutha: March 11, 2021

ಕೊಲಂಬಿಯಾ : ESPN FC ರೇಡಿಯೋ ನ್ಯೂಸ್ ಚಾನೆಲ್ ಲೈವ್ ನ್ಯೂಸ್ ಪ್ರಸಾರ ನೀಡುತ್ತಿದ್ದ ಸಂದರ್ಭ ಸ್ಟುಡಿಯೋ ಸೆಟ್ ನ ಒಂದು ಭಾಗವು ಬಿದ್ದ ಕಾರಣ ಕೊಲಂಬಿಯಾದ ಟಿವಿ ನಿರೂಪಕ ಗಾಯಗೊಂಡ ಘಟನೆ ನಡೆದಿದೆ.
ESPN ಕೊಲಂಬಿಯಾದ ಪತ್ರಕರ್ತ ಕಾರ್ಲೋಸ್ ಆರ್ಡುಜ್ ಅದೃಷ್ಟವಶಾತ್ ಯಾವುದೇ ದೊಡ್ಡ ಗಾಯಗಳಾಗದೆ ಜೀವಾಪಾಯದಿಂದ ಪಾರಾಗಿದ್ದಾರೆ. ಈ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕವಾಗಿ ಶೇರ್ ಆಗಿದ್ದು, ಈಗಾಗಲೇ ಲಕ್ಷಕ್ಕೂ ಹೆಚ್ಚು ವೀಕ್ಷಣೆ ಪಡೆದುಕೊಂಡಿದೆ.

ಲೈವ್ ಶೋ ಸಂದರ್ಭದಲ್ಲಿ ಕ್ರೀಡಾ ವಿಶ್ಲೇಷಕ ಕುರ್ಚಿಯ ಮೇಲೆ ಕುಳಿತಿದ್ದು, ಸೆಟ್ ನ ಒಂದು ಭಾಗ ಬೆನ್ನಿನ ಮೇಲೆ ಏಕಾಏಕಿ ಬಿದ್ದ ಪರಿಣಾಮ ಆತನ ಮುಖ ಮೇಜಿಗೆ ಗುದ್ದಿರುವ ವಿಡಿಯೋ ವೈರಲ್ ಆಗಿದೆ. ಕ್ಯಾಮೆರಾ ತಕ್ಷಣ ಶಾಟ್ ಅನ್ನು ಕತ್ತರಿಸಿದೆ. ನಂತರ ನಿರೂಪಕ ತನಗೆ ಕೇವಲ ಮೂಗಿನ ಮೇಲೆ ಗಾಯವಾಗಿದೆ ಮತ್ತು ಬೇರೇನೂ ಆಗಿಲ್ಲ, ತಾನು ಚೆನ್ನಾಗಿರುವುದಾಗಿ ತಿಳಿಸಿದ್ದಾರೆ.
‘ನಿನ್ನೆ ರಾತ್ರಿ ನಡೆದ ಅಪಘಾತದ ಬಗ್ಗೆ ನನಗೆ ಪತ್ರ ಬರೆದು , ಮೆಸೇಜ್ ಮಾಡಿ ಸಾಂತ್ವಾನ ನೀಡಿದವರಿಗೆ ಧನ್ಯವಾದ, ನಾನು ಚೆನ್ನಾಗಿದ್ದೇನೆ, ದೇವರಿಗೆ ಧನ್ಯವಾದಗಳು. ಮೂಗಿಗೆ ಸಣ್ಣದಾಗಿ ಗಾಯವಾಗಿದೆ. ವೈದ್ಯಕೀಯ ತಪಾಸಣೆ ಮಾಡಲಾಗಿದೆ. ಯಾವುದೇ ಗಂಭೀರ ಸಮಸ್ಯೆ ಇಲ್ಲ ಎಂದು ಅವರು ಟ್ವೀಟ್ ಮಾಡಿದ್ದಾರೆ.

ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಬಟನ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ

error: Content is protected !!