ಕೋವಿಡ್ ಲಸಿಕೆಗಾಗಿ 6 ಗಂಟೆಗಳ ಕಾಲ ತಂದೆಯನ್ನು ಹೆಗಲ ಮೇಲೆ ಹೊತ್ತೊಯ್ದ ಪುತ್ರ !

Prasthutha: January 14, 2022

ಬ್ರೆಝಿಲ್: ನಮ್ಮ ದೇಶದಲ್ಲಿ ಮನೆ ಮನೆ ಬಾಗಿಲಿಗೆ ತೆರಳಿ ಆರೋಗ್ಯ ಸಿಬ್ಬಂದಿಯು ಕೋವಿಡ್ ಲಸಿಕೆ ಪಡೆಯಲು ಪರಿಪರಿಯಾಗಿ ವಿನಂತಿಸಿದರೂ ಬಹಳಷ್ಟು ಮಂದಿ ಲಸಿಕೆ ಪಡೆಯಲು ಹಿಂದೇಟು ಹಾಕುತ್ತಾರೆ. ಆದರೆ ಲಸಿಕೆ ಪಡೆಯಬೇಕೆಂದು ದೃಢನಿಶ್ಚಯ ಮಾಡಿದ ಯುವಕನೊಬ್ಬ ಕಾಡಿನ ನಡುವೆ ಬರೋಬ್ಬರಿ 6 ಗಂಟೆಗಳ ಕಾಲ ತನ್ನ ತಂದೆಯನ್ನು ಹೆಗಲ ಮೇಲೆ ಹೊತ್ತು ಲಸಿಕಾ ಕೇಂದ್ರಕ್ಕೆ ಬಂದು ಲಸಿಕೆ ಪಡೆದ ಘಟನೆ ಬ್ರೆಝಿಲ್’ನಿಂದ ವರದಿಯಾಗಿದೆ.

ಬ್ರೆಝಿಲ್’ನ ಅಮೆಜಾನ್ ಕಾಡಿನಲ್ಲಿ ವಾಸಿಸುವ ಬುಡಕಟ್ಟು ಜನಾಂಗದ ತಾವಿ (24) ತನ್ನ ತಂದೆ ವಾಹು (67) ಅವರನ್ನು ಹೆಗಲ ಮೇಲೆ ಹೊತ್ತು ತರುತ್ತಿರುವ ಫೋಟೋವನ್ನು ವೈದ್ಯರಾದ ಎರಿಕ್ಸ್ ಜೆನ್ನಿಂಗ್ಸ್ ತಮ್ಮ ಇನ್ಸ್ ಸ್ಟಾಗ್ರಾಂ ಖಾತೆಯಲ್ಲಿ ಪೋಸ್ಟ್ ಮಾಡಿದ್ದು, ಈ ಪೋಟೊ ಇದೀಗ ಸಾಕಷ್ಟು ವೈರಲ್ ಆಗಿದೆ. ಕುಗ್ರಾಮಗಳ ನಿವಾಸಿಗಳು ಲಸಿಕೆ ಪಡೆಯಲು ಎಷ್ಟು ಹರಸಾಸಹ ಪಡಬೇಕಿದೆ ಎಂಬುದನ್ನು ಈ ಫೋಟೋ ಜಗತ್ತಿಗೆ ಸಾರುವಂತಿದೆ. ದೀರ್ಘಕಾಲದ ಮೂತ್ರಸಂಬಂಧ ಕಾಯಿಲೆಯಿಂದ ಬಳಲುತ್ತಿರುವ ವಾಹುಗೆ ನಡೆಯಲು ಸಾಧ್ಯವಾಗದ ಕಾರಣ ಪುತ್ರ ತಾವಿಯ ಸಹಾಯದಿಂದ ಲಸಿಕಾ ಕೇಂದ್ರಕ್ಕೆ ಬರುವಂತಾಗಿತ್ತು.

ತಾವಿ ಹಾಗೂ ವಾಹು ಝೋಯಿ ಸಮುದಾಯಕ್ಕೆ ಸೇರಿದವರಾಗಿದ್ದು, ಬ್ರೆಝಿಲ್’ನ ಅಮೆಜಾನ್ ಕಾಡಿನಲ್ಲಿ ಈ ಸಮುದಾಯಕ್ಕೆ ಸೇರಿದ 325 ಮಂದಿ ವಾಸಿಸುತ್ತಿದ್ದಾರೆ. 1.2 ಮಿಲಿಯನ್ ಪುಟ್ಬಾಲ್ ಮೈದಾನಗಳಿಗೆ ಸಮಾನವಾದ ವಿಸ್ತೀರ್ಣದ ಹತ್ತಾರು ಹಳ್ಳಿಗಳಲ್ಲಿ ಇವರು ಪ್ರತ್ಯೇಕ ಗುಡಿಸಲುಗಳಲ್ಲಿ ವಾಸವಾಗಿದ್ದಾರೆ. ಕಾಡಿನ ನಡುವೆ ಸರ್ಕಾರ ಸ್ಥಾಪಿಸಿರುವ ತಾತ್ಕಾಲಿಕ ಲಸಿಕಾ ಕೇಂದ್ರಕ್ಕೆ ಬಂದು ಇವರು ಲಸಿಕೆ ಪಡೆಯಬೇಕಾಗಿದೆ.

ಸರ್ಕಾರಿ ದಾಖಲೆಗಳ ಪ್ರಕಾರ ಇದುವರೆಗೂ 853 ಸ್ಥಳೀಯ ನಿವಾಸಿಗಳು ಕೋವಿಡ್-19ಕ್ಕೆ ಬಲಿಯಾಗಿದ್ದಾರೆ ಎನ್ನಲಾಗಿದೆ. ಆದರೆ ಬ್ರೆಝಿಲ್’ನ ಪ್ರಮುಖ NGOಗಳಲ್ಲಿ ಒಂದಾಗ ಆಕಿಬ್ ನಡೆಸಿದ ಸಮೀಕ್ಷೆಯ ಪ್ರಕಾರ 2020 ಮಾರ್ಚ್’ನಿಂದ 2021 ಮಾರ್ಚ್’ವರೆಗೆ, ವರ್ಷವೊಂದರಲ್ಲೇ ಕನಿಷ್ಠ ಸಾವಿರಕ್ಕೂ ಅಧಿಕ ಮಂದಿ ಕೋವಿಡ್’ಗೆ ಬಲಿಯಾಗಿದ್ದಾರೆ.

ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಬಟನ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ

error: Content is protected !!