ಮುಂಬಯಿ: ಮುಂಬಯಿಯಲ್ಲಿ ಡಿಆರ್ ಐ- ಆದಾಯ ತನಿಖಾ ನಿರ್ದೇಶನಾಲಯದವರು ಹಾಂಗ್ ಕಾಂಗ್ ನಿಂದ ಕಳ್ಳ ಸಾಗಾಣಿಕೆ ಮಾಡಿಕೊಂಡಿರುವ 42.86 ಕೋಟಿ ರೂಪಾಯಿ ಮೌಲ್ಯದ 3,646 ಹೈ ಎಂಡ್ ಐಫೋನ್ ಗಳನ್ನು ವಶಪಡಿಸಿಕೊಂಡಿದ್ದಾರೆ.
- Advertisement -
ಹಾಂಗ್ ಕಾಂಗ್ ವಿಮಾನವು ಮುಂಬಯಿಯ ಛತ್ರಪತಿ ಶಿವಾಜಿ ವಿಮಾನ ನಿಲ್ದಾಣಕ್ಕೆ ಬಂದು ಇಳಿಯುತ್ತಲೇ ಡಿಆರ್ ಐನವರು ಮಾಹಿತಿಯಂತೆ ಯಾವುದೇ ಅಜಾಗರೂಕತೆಗೆ ಅವಕಾಶವಾಗದಂತೆ ಐಫೋನ್ ಗಳನ್ನು ವಶಪಡಿಸಿಕೊಂಡರು. ರೂ. 70,000ದಿಂದ ರೂ. 1,80,000ದವರೆಗೆ ಇರುವ ಈ ಫೋನ್ ಗಳನ್ನು ನೇರ ಆಮದು ಮಾಡಿಕೊಂಡರೆ ಅದರ ಬೆಲೆಯ ಮೇಲೆ 40% ಸುಂಕ ಕಟ್ಟಬೇಕು.
ಕಳ್ಳ ಹಾದಿಯಿಂದ ತಂದರೆ ಮಾರುವವರಿಗೂ ಲಾಭ ಮತ್ತು ಕೊಳ್ಳುವವರಿಗೂ ಒಂದಷ್ಟು ಲಾಭ ದೊರೆಯುತ್ತದೆ. ಇದಕ್ಕಾಗಿಯೇ ಕಳ್ಳ ಸಾಗಾಣಿಕೆದಾರರು ಯಾವಾಗಲೂ ತಮ್ಮದೊಂದು ನೆಟ್ ವರ್ಕ್ ರಚಿಸಿಕೊಂಡಿರುತ್ತಾರೆ ಎಂದು ತನಿಖಾದಾರರು ಹೇಳಿದರು.
