ದ್ವಿತೀಯ ಪಿಯು ಫಲಿತಾಂಶ ಪ್ರಕಟ: ಬಳ್ಳಾರಿಯ ಶ್ವೇತಾ ಭೀಮಾಶಂಕರ್ ರಾಜ್ಯಕ್ಕೆ ಪ್ರಥಮ

► ದಕ್ಷಿಣ ಕನ್ನಡ ಜಿಲ್ಲೆಗೆ ಪ್ರಥಮ, ಚಿತ್ರದುರ್ಗಕ್ಕೆ ಕೊನೆಯ ಸ್ಥಾನ

ಬೆಂಗಳೂರು: ದ್ವಿತೀಯ ಪಿಯುಸಿ ಫಲಿತಾಂಶ ಪ್ರಕಟಗೊಂಡಿದ್ದು, ಬಳ್ಳಾರಿಯ ಇಂದು ಪಿಯು ಕಾಲೇಜಿನ ಶ್ವೇತಾ ಭೀಮಾಶಂಕರ್ ಹಾಗೂ ಮಡಿವಾಳರ ಸಹನಾ ಅವರು 594 ಅಂಕ ಪಡೆದು ರಾಜ್ಯಕ್ಕೆ ಪ್ರಥಮ ಸ್ಥಾನ ಗಳಿಸಿದ್ದಾರೆ.

ಧಾರವಾಡದ ಎಸ್ ಜೆ ಎಂವಿಎಸ್ ವುಮೆನ್ಸ್ ಪಿಯು ಕಾಲೇಜಿನ ಸನಿಕಾ ರವಿಶಂಕರ್ , ಕಲಬುರಗಿಯ ಕದಂಬ ಪಿಯು ಕಾಲೇಜಿನ ನಿಂಗಣ್ಣ ಅಗಸರ್, ಗದಗದ ಅನ್ನದಾನೇಶ್ವರ ಪಿಯು ಕಾಲೇಜಿನ ಶಿವರಾಜ್ ಹಾಗೂ ಬಳ್ಳಾರಿ ಇಂದು ಪಿಯು ಕಾಲೇಜಿನ ಜಿ.ಮೌನೇಶ್ ಅವರು 593 ಅಂಕಗಳೊಂದಿಗೆ ದ್ವಿತೀಯ ಸ್ಥಾನ ಪಡೆದಿದ್ದಾರೆ.

ಬಳ್ಳಾರಿಯ ಎಸ್ ಯು ಜೆಎಂ ಪಿಯು ಕಾಲೇಜಿನ ಎಚ್ ಸಂತೋಷ್ 592 ಅಂಕ ಪಡೆದು ತೃತೀಯ ಸ್ಥಾನ ಗಳಿಸಿದ್ದಾರೆ.