ನವದೆಹಲಿ: ಫುಡ್ ಡೆಲಿವರಿ ವಿಳಂಬಕ್ಕಾಗಿ ಕ್ರಿಕೆಟಿಗ ಶುಭ್ಮನ್ ಗಿಲ್ ಅವರು ಹಾಕಿದ್ದ ಟ್ವೀಟ್ ಗೆ ನಕಲಿ ಖಾತೆಯಿಂದ ಟಾಂಗ್ ನೀಡಲಾಗಿದ್ದು ಈ ಬಗ್ಗೆ ಸ್ವಿಗ್ಗಿ ಅಧಿಕೃತ ಖಾತೆಯು ಸ್ಪಷ್ಟೀಕರಣ ನೀಡಬೇಕೆಂದು ಅವರ ಅಭಿಮಾನಿಗಳು ಆಗ್ರಹಿಸಿದ್ದಾರೆ. .
ಭಾರತದ ಕ್ರಿಕೆಟಿಗ ಶುಭ್ಮನ್ ಗಿಲ್ “ಎಲೋನ್ ಮಸ್ಕ್ ಅವರೇ, ಆಹಾರ ವಿತರಣಾ ಅಪ್ಲಿಕೇಶನ್ ಆದ ಸ್ವಿಗ್ಗಿಯು ಫುಡ್ ಡೆಲಿವರಿ ವಿಳಂಬ ಕಾರಣ ಆ ಅಪ್ಲಿಕೇಶನನ್ನು ನೀವು ಖರೀದಿಸಿರಿ” ಎಂದು ಟ್ವೀಟ್ ಮಾಡಿದ್ದರು. ತಕ್ಷಣವೇ ಇದಕ್ಕೆ ಪ್ರತಿಕ್ರಿಯೆ ಎಂಬಂತೆ ಸ್ವಿಗ್ಗಿ ಖಾತೆಯಿಂದ “ಟಿ 20 ಕ್ರಿಕೆಟ್ ನಲ್ಲಿ ನಿಮ್ಮ ಬ್ಯಾಟಿಂಗ ಗಿಂತ ನಾವು ಇನ್ನೂ ವೇಗವಾಗಿದ್ದೇವೆ” ಎಂದು ತಿರುಗೇಟು ನೀಡಿದೆ.
ಈ ಮಧ್ಯೆ ಫುಡ್ ಡೆಲಿವರಿ ದೈತ್ಯ ಕಂಪನಿಯಾದ ಸ್ವಿಗ್ಗಿಯ ಅಧಿಕೃತ ಖಾತೆ ಇದಲ್ಲ ಎಂದು ತಿಳಿದುಬಂದಿದ್ದು ಈ ಬಗ್ಗೆ ಸ್ಚಿಗ್ಗಿಯು ಸ್ಪಷ್ಟೀಕರಣ ನೀಡಬೇಕೆಂದು ಗಿಲ್ ಅಭಿಮಾನಿಗಳು ಸಾಮಾಜಿಕ ಜಾಲತಾಣದಲ್ಲಿ ಒತ್ತಾಯಿಸಿದ್ದಾರೆ.
