ಬೆಂಗಳೂರು: ಪೊಲೀಸರು ಎಸ್ ಡಿಪಿಐ ಕಚೇರಿಗಳನ್ನು ಸೀಲ್ ಮಾಡಿಲ್ಲ. ಒಂದು ವೇಳೆ ಎಸ್ ಡಿಪಿಐ ಕಚೇರಿಗಳನ್ನು ಸೀಲ್ ಮಾಡಿದ್ದರೆ ಅಂತಹ ಸ್ಥಳಗಳ ಬಗ್ಗೆ ನನಗೆ ಮಾಹಿತಿ ನೀಡಿ ಎಂದು ಕಾನೂನು ಸುವ್ಯವಸ್ಥೆ ವಿಭಾಗದ ಎಡಿಜಿಪಿ ಅಲೋಕ್ ಕುಮಾರ್ ಹೇಳಿದ್ದಾರೆ.
ಪಿಎಫ್ ಐ ಕಚೇರಿಗಳ ಜೊತೆಗೆ ಎಸ್ ಡಿಪಿ ಕಚೇರಿಗಳಿಗೂ ಬೀಗಮುದ್ರೆ ಹಾಕಲಾಗಿದೆ ಎಂಬ ಆರೋಪದ ಹಿನ್ನೆಲೆಯಲ್ಲಿ ಟ್ವೀಟ್ ಮಾಡಿ ಸ್ಪಷ್ಟನೆ ನೀಡಿದ ಎಡಿಜಿಪಿ ಅಲೋಕ್ ಕುಮಾರ್, ಪಿಎಫ್ ಐ ಕಚೇರಿಗಳಿಗೆ ಪೊಲೀಸರು ದಾಳಿ ನಡೆಸಿ, ಹಲವು ಕಚೇರಿಗಳನ್ನು ಸೀಲ್ ಮಾಡಿದ್ದಾರೆ. ಪೊಲೀಸರು ಎಸ್ ಡಿಪಿಐ ಕಚೇರಿಗಳನ್ನು ಸೀಲ್ ಮಾಡಿಲ್ಲ. ನಿಷೇಧಿತ ಪಿಎಫ್ ಐ ಸಂಘಟನೆಯು ಎಸ್ ಡಿಪಿಐ ಕಚೇರಿಗಳನ್ನು ಬಳಸುತ್ತಿದ್ದ ಸ್ಥಳಗಳನ್ನು ಮಾತ್ರ ಶೋಧಿಸಲಾಗಿದೆ ಎಂದು ಹೇಳಿದ್ದಾರೆ.
ಇದಕ್ಕೂ ಮೊದಲು ತನ್ನ ಕಚೇರಿಗಳಿಗೆ ಬೀಗ ಹಾಕಿರುವ ಬಗ್ಗೆ ಎಸ್ ಡಿಪಿಐ ಕರ್ನಾಟಕ ಟ್ವೀಟ್ ಮಾಡಿ ಈ ಬಗ್ಗೆ ಎಡಿಜಿಪಿ, ಐಜಿಪಿ ಅವರ ಗಮನ ಸೆಳೆದಿತ್ತು.
Plz let me know the places where SDPI offices have been sealed , if there any
— alok kumar (@alokkumar6994) September 29, 2022
Only the places where PFI was using SDPI offices, the places have been searched.
For sealing purposes due process of law has been followed.
Plz check and let me know.
Will ensure fairness.
