ಮುಂಬೈ : ‘ರಿಪಬ್ಲಿಕ್ ಟಿವಿ’ ಪ್ರಧಾನ ಸಂಪಾದಕ, ಬಿಜೆಪಿ ಬೆಂಬಲಿಗ ಪತ್ರಕರ್ತ ಅರ್ನಾಬ್ ಗೋಸ್ವಾಮಿ ಬಂಧನದ ಆರು ದಿನಗಳ ಬಳಿಕ, ಇದೀಗ ಅದೇ ಚಾನೆಲ್ ನ ಸಹಾಯಕ ಉಪಾಧ್ಯಕ್ಷ ಘನಶ್ಯಾಮ್ ಸಿಂಗ್ ಅವರನ್ನು ಇಂದು ಪೊಲೀಸರು ಬಂಧಿಸಿದ್ದಾರೆ.

ಟಿಆರ್ ಪಿ ತಿರುಚಿದ ಹಗರಣಕ್ಕೆ ಸಂಬಂಧಿಸಿ ಸಿಂಗ್ ಬಂಧನವಾಗಿದೆ. ಸಿಂಗ್ ವಿರುದ್ಧ ಐಪಿಸಿ ಕಲಂ 420 ಮತ್ತು ಕಲಂ 120ಬಿಯಡಿ ದೂರು ದಾಖಲಾಗಿದೆ.

ಗೋಸ್ವಾಮಿ ಆತ್ಮಹತ್ಯೆ ಪ್ರಚೋದನೆ ಪ್ರಕರಣದಲ್ಲಿ ಆರು ದಿನಗಳ ಹಿಂದೆಯಷ್ಟೇ ಬಂಧಿತನಾಗಿದ್ದಾನೆ. ಇದೀಗ ಚಾನೆಲ್ ನ ಸಹಾಯಕ ಉಪಾಧ್ಯಕ್ಷ ಸಿಂಗ್ ಬಂಧನದ ಮೂಲಕ ಚಾನೆಲ್ ನ ಒಂದೊಂದೇ ಯಡವಟ್ಟುಗಳು ಬಹಿರಂಗವಾಗ ತೊಡಗಿವೆ.

ಇತರ ಚಾನೆಲ್ ಗಳಿಗಿಂತ ತಾವೇ ಮುಂದಿದ್ದೇವೆ ಎಂದು ತೋರಿಸಲು ಟಿಆರ್ ಪಿಯನ್ನು ತಿರುಚಿದ ಆರೋಪ ‘ರಿಪಬ್ಲಿಕ್ ಟಿವಿ’ ಮೇಲಿದೆ. ಸಿಂಗ್ ಅವರನ್ನು ಇಂದು ಕೋರ್ಟ್ ಗೆ ಹಾಜರು ಪಡಿಸಲಾಗುತ್ತದೆ.