ಚೆನ್ನೈ: ಇತ್ತೀಚೆಗೆ ಕರ್ನಾಟಕದಲ್ಲಿ ತಲೆದೋರಿರುವ ಹಿಜಾಬ್ – ಕೇಸರಿ ಶಾಲು ವಿಚಾರ ಅಶಾಂತಿಯನ್ನು ಹುಟ್ಟುಹಾಕಿದ್ದು, ಸುಳ್ಳು ಹೇಳದ ವಿದ್ಯಾರ್ಥಿ ಸಮುದಾಯದ ಮಧ್ಯೆ ಧಾರ್ಮಿಕತೆಯ ವಿಷದ ಗೋಡೆ ನಿರ್ಮಾಣವಾಗುತ್ತಿದೆ ಎಂದು ಬಹುಭಾಷ ನಟ ಕಮಲ್ ಹಾಸನ್ ಕಳವಳ ವ್ಯಕ್ತಪಡಿಸಿದ್ದಾರೆ.
ಹಿಜಾಬ್ ಮತ್ತು ಕೇಸರಿ ಶಾಲ್ ಸಂಘರ್ಷದ ಕುರಿತು ಟ್ವೀಟ್ ಮೂಲಕ ಪ್ರತಿಕ್ರಿಯಿಸಿರುವ ಕಮಲ್ ಹಾಸನ್, ಇತ್ತೀಚಿನ ಕರ್ನಾಟಕದ ಬೆಳವಣಿಗೆ ವಿದ್ಯಾರ್ಥಿಗಳ ನಡುವೆ ಧಾರ್ಮಿಕವಾಗಿ ವಿಷದ ಗೋಡೆ ನಿರ್ಮಾಣವಾಗುತ್ತಿದೆ. ನೆರೆ ರಾಜ್ಯದಲ್ಲಿ ನಡೆಯುತ್ತಿರುವ ಬೆಳವಣಿಗೆ ತಮಿಳ್ನಾಡಿಗೆ ಆವರಿಸದಿರಲಿ. ಈ ಬಗ್ಗೆ ಪ್ರಗತಿಪರ ಮತ್ತು ಮಾನವಹಕ್ಕು ಹೋರಾಟಗಾರರು ಎಚ್ಚರ ವಹಿಸಬೇಕೆಂದು ಅವರು ಟ್ವೀಟ್ ಮೂಲಕ ಜನತೆಯಲ್ಲಿ ಮನವಿ ಮಾಡಿದ್ದಾರೆ.
