April 3, 2021

ದೋಹ ಕತಾರ್ ನ ಸೂಪರ್ ಮಾರ್ಕೆಟ್ ನಲ್ಲಿ ಯುವಕನ ಮರಣ | ಕತಾರ್ ಇಂಡಿಯನ್ ಸೋಷಿಯಲ್ ಫೋರಂ (QISF) ನಿಂದ ಅಂತ್ಯ ಸಂಸ್ಕಾರ

ದೋಹ-ಕತಾರ್: ಮಂಗಳೂರಿನ ಅತ್ತಾವರ ಮೂಲದ, 38 ವರ್ಷದ ಸಮೀರ್ ಅಹ್ಮದ್ ಉಮರ್ ಕೆಂಜಾರ್ ಎಂಬ ಯುವಕ, ಸೂಪರ್ ಮಾರ್ಕೆಟ್ ನಲ್ಲಿ ಶಾಪಿಂಗ್ ಮಾಡುತ್ತಿದ್ದ ಸಂಧರ್ಭದಲ್ಲಿ ಮರಣ ಹೊಂದಿದ ಘಟನೆ ನಡೆದಿದೆ.  ದಿನಾಂಕ 29-03-2021 ರಂದು ತಾನಿದ್ದ ರೂಮಿನ ಹತ್ತಿರವಿರುವ ಸೂಪರ್ ಮಾರ್ಕೆಟ್ ನಲ್ಲಿ ಶಾಪಿಂಗ್ ಮಾಡುತ್ತಿದ್ದ ವೇಳೆ, ಹೃದಯಾಘಾತವಾಗಿ ಕುಸಿದು ಬಿದ್ದಿದ್ದ  ಯುವಕನನ್ನು ನೋಡಿದ ಸಾರ್ವಜನಿಕರು ಅವರನ್ನು ಅಂಬುಲನ್ಸ್ ನಲ್ಲಿ ನಗರದ ಹೆಸರಾಂತ ಹಮದ್ ಆಸ್ಪತ್ರಗೆ ಕರೆದುಕೊಂಡು ಹೋದರೂ ಕೂಡ, ಚಿಕಿತ್ಸೆ ಫಲಕಾರಿಯಾಗದೇ, ದಿನಾಂಕ 29-03-2021 ರ ಮುಂಜಾನೆ 2.05 ರ ಸಮಯ ಕೊನೆಉಸಿರೆಳೆದಿದ್ದಾರೆ. 

ಸಮೀರ್ ಯಾರಲ್ಲೂ ಹೆಚ್ಚು ಸಂಪರ್ಕದಲ್ಲಿರದ ಕಾರಣ, ಮರಣದ ಮೂರು ದಿನಗಳ ನಂತರ, 31-03-2021 ರ ರಾತ್ರಿ, ಹಮದ್ ಆಸ್ಪತ್ರೆಯ ಸಿಬ್ಬಂದಿಯ ಮುಖಾಂತರ, ಮೃತರ ಕುಟುಂಬದವರಿಗೆ ತಿಳಿದಿದೆ. ಮರಣ ವಾರ್ತೆಯನ್ನು ಕೇಳಿ ಕಂಗಾಲಾದ ಕತಾರ್ ನಲ್ಲಿರುವ ಸಂಬಂಧಿಕರಾದ ಮುಸ್ತಫಾ ಹಾಗೂ ಜು಼ಬೈರ್ ರವರು ವಿಷಯವನ್ನು ಕತಾರ್ ಇಂಡಿಯನ್ ಸೋಷಿಯಲ್ ಫೋರಂ ನ ನಾಯಕರಿಗೆ ತಿಳಿಸುತ್ತಾರೆ.

ತಕ್ಷಣವೇ ಇದಕ್ಕೆ ಸ್ಪಂದಿಸಿದ, ಇಂತಿಯಾಜ್ ಕಾರ್ನಾಡ್, ಬಷೀರ್ ಅಹ್ಮದ್, ಖಾಲಿದ್ ಮೊಹಸಿನ್ ಮತ್ತು ವಜೀ಼ರ್ ಪುಂಜಾಲಕಟ್ಟೆ ರವರನ್ನೂಳಗೊಂಡ QISF ತಂಡವು ಮರಣ ಹೊಂದಿದ ವ್ಯಕ್ತಿಯನ್ನು ಗುರುತಿಸಲು ಬೇಕಾದ ಮಾಹಿತಿಗಳನ್ನು ಕಲೆ ಹಾಕಿ, ಅವರ ಕುಟುಂಬದ ವರನ್ನು ಸಂಪರ್ಕಿಸಿ, ಕುಟುಂಬದವರ ಆದೇಶದ ಮೇರೆಗೆ, ಮೃತರನ್ನು ಕತಾರ್ ನಲ್ಲಿಯೇ ಅಂತ್ಯಕ್ರಿಯೆ ಮಾಡಲು ಬೇಕಾದ ಅಪ್ಪಣೆ ಪತ್ರವನ್ನು ತರಿಸಿ, ಪೊಲೀಸ್ ಇಲಾಖೆ, ಆಸ್ಪತ್ರೆಯ ಹಾಗೂ ಭಾರತದ ದೂತವಾಸದ ಅಧಿಕಾರಿಗಳೊಂದಿಗೆ ಸಂಪರ್ಕಿಸಿ, ಅಗತ್ಯವಾದ ಎಲ್ಲಾ ದಾಖಲೆಗಳನ್ನು ಕೇವಲ ಒಂದೇ ದಿನದಲ್ಲಿ ಸಂಗ್ರಹಿಸುವಲ್ಲಿ ಯಶಸ್ವಿಯಾಯಿತು.

QISF ನಾಯಕರ ಮತ್ತು ಕಾರ್ಯಕರ್ತರ ನೇತೃತ್ವದಲ್ಲಿ, ದಿನಾಂಕ 02-04-2021 ರ ಶುಕ್ರವಾರ ಸಂಜೆ, ಅಸ್ರ್ ನಮಾಜಿನ ನಂತರ, ಕತಾರ್ ನ ಅಬೂ ಹಮೂರ್ ನಲ್ಲಿರುವ ದಫನ ಭೂಮಿಯಲ್ಲಿ, ಸಮೀರ್ ರವರ ಅಂತ್ಯಕ್ರಿಯೆಯನ್ನು ಅವರ ಸಂಬಂಧಿಕರ ಹಾಗೂ ಇತರೆ ಸಂಘಟನೆಗಳ ಕೆಲವು ಸದಸ್ಯರ ಸಮ್ಮುಖದಲ್ಲಿ ನೆರವೇರಿಸಿ, ಕತಾರ್ ಇಂಡಿಯನ್ ಸೋಷಿಯಲ್ ಫೋರಂ ಮಾನವವೀಯತೆಯನ್ನು ಮೆರೆದಿದೆ. ಮೃತ ಸಮೀರ್ ಅತ್ತಾವರ ಪತ್ನಿ, ಇಬ್ಬರು ಮಕ್ಕಳು, ತಾಯಿ ಹಾಗೂ ಕುಟುಂಬದವರನ್ನು ಅಗಲಿದ್ದಾರೆ.

ಶೋಷಿತ, ದಮನಿತ ಸಮುದಾಯಗಳ ಧ್ವನಿಯಾಗಿರುವ ಮತ್ತು ಜನಸಾಮಾನ್ಯರ ಸಮಸ್ಯೆಗಳಿಗೆ ಸದಾ ಮಿಡಿಯುವ ಪ್ರಸ್ತುತ ಪಾಕ್ಷಿಕಕ್ಕೆ ಚಂದಾದಾರಾಗಿರಿ. ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ

error: Content is protected !!