ತೆಲಂಗಾಣ: ತೆಲಂಗಾಣ ಮುಖ್ಯಮಂತ್ರಿ ರೇವಂತ್ ರೆಡ್ಡಿ ಅವರು ಮಾರ್ಚ್ 4ರಂದು ಪ್ರಧಾನಿ ನರೇಂದ್ರ ಮೋದಿಯವರನ್ನು ದೊಡ್ಡಣ್ಣ ಎಂದು ಕರೆದಿದ್ದಾರೆ. ಗುಜರಾತ್ ಮಾದರಿಯನ್ನು ಅನುಸರಿಸಿದರೆ ಮಾತ್ರ ತೆಲಂಗಾಣ ಅಭಿವೃದ್ಧಿ ಹೊಂದುತ್ತದೆ ಎಂದೂ ಹೇಳಿದ್ದಾರೆ.
ಪ್ರಧಾನಿ ದೊಡ್ಡಣ್ಣನಿದ್ದಂತೆ ಮತ್ತು ಯಾವುದೇ ರಾಜ್ಯವು ಅವರ ಸಹಾಯ ಮತ್ತು ಬೆಂಬಲದಿಂದ ಅಭಿವೃದ್ಧಿ ಹೊಂದಬಹುದು. ತೆಲಂಗಾಣ ಅಭಿವೃದ್ಧಿ ಹೊಂದಬೇಕಾದರೆ ಅದು ಗುಜರಾತ್ ಮಾದರಿಯನ್ನ ಅನುಸರಿಸಬೇಕು ಎಂದು ತೆಲಂಗಾಣ ಸಿಎಂ ಹೇಳಿದರು.
ತಾನು ಇನ್ನು ಮುಂದೆ ಕೇಂದ್ರದ ವಿರುದ್ಧ ಹೋರಾಡುವುದಿಲ್ಲ ಮತ್ತು ಭಾರತವನ್ನು 5 ಟ್ರಿಲಿಯನ್ ಡಾಲರ್ ಆರ್ಥಿಕತೆಯನ್ನಾಗಿ ಮಾಡುವ ಪ್ರಧಾನಿ ಮೋದಿಯವರ ದೃಷ್ಟಿಕೋನಕ್ಕೆ ಸೇರುತ್ತೇನೆ ಎಂದು ರೆಡ್ಡಿ ಇದೇ ಸಂದರ್ಭ ಹೇಳಿದರು.
ಮುಂಬೈ, ದೆಹಲಿ, ಚೆನ್ನೈ, ಬೆಂಗಳೂರು ಮತ್ತು ಹೈದರಾಬಾದ್ ಈ ಐದು ಮೆಟ್ರೋಪಾಲಿಟನ್ ನಗರಗಳು ಪ್ರಧಾನಿ ಮೋದಿಯವರ ಐದು ಟ್ರಿಲಿಯನ್ ಡಾಲರ್ ಆರ್ಥಿಕತೆಯ ಕನಸಿನಲ್ಲಿ ಕೊಡುಗೆ ನೀಡಿವೆ” ಎಂದು ರೆಡ್ಡಿ ಹೇಳಿದರು.
ತೆಲಂಗಾಣ ಪ್ರವಾಸದಲ್ಲಿರುವ ಪ್ರಧಾನಿ ಮೋದಿ, ತೆಲಂಗಾಣದ ಅದಿಲಾಬಾದ್‌ನಲ್ಲಿ 30ಕ್ಕೂ ಹೆಚ್ಚು ಅಭಿವೃದ್ಧಿ ಯೋಜನೆಗಳಿಗೆ ಶಂಕುಸ್ಥಾಪನೆ ನೆರವೇರಿಸಿದರು.
