ಚೆನ್ನೈ: ಆಸ್ಟ್ರೇಲಿಯಾದ ಸ್ಟಾರ್ ಆಟಗಾರ ಗ್ಲೆನ್ ಮ್ಯಾಕ್ಸ್’ವೆಲ್ ಅವರ ವಿವಾಹ ಆಮಂತ್ರಣ ಪತ್ರಿಕೆಯನ್ನು ತಮಿಳು ಭಾಷೆಯಲ್ಲಿ ಮುದ್ರಿಸಲಾಗಿದ್ದು, ಸೋಷಿಯಲ್ ಮೀಡಿಯಾಗಳಲ್ಲಿ ವೈರಲ್ ಆಗಿದೆ.
ಮ್ಯಾಕ್ಸ್ವೆಲ್ ವಿವಾಹವು ತಮಿಳುನಾಡು ಮೂಲದ ವಿನಿ ರಾಮನ್ ಅವರೊಂದಿಗೆ ಮಾರ್ಚ್ 27 ರಂದು ತಮಿಳು-ಬ್ರಾಹ್ಮಣ ಸಂಪ್ರದಾಯದಂತೆ ನಡೆಯಲಿದೆ.
ಮ್ಯಾಕ್ಸ್ವೆಲ್-ವಿನಿ ರಾಮನ್ ವಿವಾಹದ ಆಮಂತ್ರಣ ಪತ್ರದ ಫೋಟೋವನ್ನು ಕಸ್ತೂರಿ ಶಂಕರ್ ಎಂಬವರು ಟ್ವೀಟ್ ಮಾಡಿದ್ದು “ವಿನಿ ರಾಮನ್ ಅವರನ್ನು ಮ್ಯಾಕ್ಸ್ ವೆಲ್ ವಿವಾಹವಾಗುತ್ತಿದ್ದಾರೆ. ಈ ಜೋಡಿಯ ಚೆಂದದ ತಮಿಳು ವಿವಾಹ ಪತ್ರಿಕೆ. ತಮಿಳು ಬ್ರಾಹ್ಮಣರ ಸಾಂಪ್ರದಾಯದಂತೆ ಇವರು ವಿವಾಹವಾಗಲಿದ್ದಾರೆ. ಅಭಿನಂದನೆ ಗ್ಲೆನ್ ಮತ್ತು ವಿನಿ’ ಎಂದು ಕಸ್ತೂರಿ ಶಂಕರ್ ಟ್ವೀಟ್ ಮಾಡಿದ್ದಾರೆ.
ಯಾರು ವಿನಿ ರಾಮನ್?
ವಿನಿ ರಾಮನ್ ಕುಟುಂಬ ಮೂಲತಃ ತಮಿಳುನಾಡಿನ ವೆಲ್ಲೂರ್’ ನವರು. ಆಸ್ಟ್ರೇಲಿಯಾದ ಪೌರತ್ವ ಪಡೆದಿರುವ ವಿನಿ, ವೃತ್ತಿಯಲ್ಲಿ ಫಾರ್ಮಾಸಿಸ್ಟ್ ಆಗಿದ್ದಾರೆ. 2013ರಲ್ಲಿ ನಡೆದ ಮೆಲ್ಬೋರ್ನ್ ಸ್ಟಾರ್ಸ್ ಕಾರ್ಯಕ್ರಮದಲ್ಲಿ
ವಿನಿ ಮೊದಲ ಬಾರಿಗೆ ಮ್ಯಾಕ್ಸ್ವೆಲ್’ರನ್ನು ಭೇಟಿಯಾಗಿದ್ದರು. ಕಳೆದ 4 ವರ್ಷಗಳಿಂದ ಮ್ಯಾಕ್ಸ್-ವಿನಿ ಡೇಟಿಂಗ್ ನಡೆಸುತ್ತಿದ್ದಾರೆ.
