ಕಲ್ಲಿಕೋಟೆ: ಖ್ಯಾತ ‘ಮಾಪಿಳಪ್ಪಾಟ್’ ಗಾಯಕಿ ಮತ್ತು ಕಥಾಪ್ರಸಂಗಂ ಕಲಾವಿದೆ ರಮ್ಲಾ ಬೇಗಂ (85) ಕೇರಳದ ಕೋಯಿಕ್ಕೋಡ್ ಜಿಲ್ಲೆಯ ತಮ್ಮ ನಿವಾಸದಲ್ಲಿ ಇಂದು (ಸೆ.27) ನಿಧನರಾದರು.
ಮುಸ್ಲಿಂ ಮತ್ತು ಹಿಂದೂ ಸಂಸ್ಕೃತಿಗಳ ಕಥನಗಳನ್ನು ಬೆಸೆಯುವ ವಿಶಿಷ್ಟ ಕಥೆ ಹೇಳುವಿಕೆಗಾಗಿ ಪ್ರಸಿದ್ಧರಾದ ರಮ್ಲಾ, ರಾಷ್ಟ್ರೀಯ ಮತ್ತು ಅಂತರರಾಷ್ಟ್ರೀಯ ವೇದಿಕೆಗಳಲ್ಲಿ ಮಿಂಚಿದ್ದಾರೆ.
“ಹುಸ್ನುಲ್ ಜಮಾಲ್ ಬದ್ರುಲ್ ಮುನೀರ್” ನಂತಹ ಹಾಡುಗಳು ಸೇರಿದಂತೆ ಮಾಪಿಳ್ಳ ಹಾಡುಗಳ ಅವರ ಭಾವಪೂರ್ಣ ನಿರೂಪಣೆಗಳು ಕಲಾ ಉತ್ಸಾಹಿಗಳನ್ನು ಈಗಲೂ ಮೋಡಿ ಮಾಡುತ್ತಿವೆ.
ರಮ್ಲಾ ಬೇಗಂ ಅವರ ಪ್ರಸಿದ್ಧ ಹಾಡುಗಳು:
ತಮ್ಮ ಸಂಗೀತ ಕೌಶಲ್ಯದ ಹೊರತಾಗಿ, ರಮ್ಲಾ ಅವರು ಕೇಶವದೇವ್ ಅವರ ‘ಒಡಾಯಿಲ್ ನಿನ್ನು’, ಕಾಳಿದಾಸ್ ಅವರ ‘ಶಾಕುಂತಲಂ’ ಮತ್ತು ಕುಮಾರನ್ ಆಸಾನ್ ಅವರ ‘ನಳಿನಿ’ ಯಂತಹ ಸಾಹಿತ್ಯ ಮೇರುಕೃತಿಗಳ ನಿರೂಪಣೆಗಳನ್ನು ಜಾಗತಿಕ ವೇದಿಕೆಗಳಲ್ಲಿ ಪ್ರದರ್ಶಿಸಿದ್ದಾರೆ. ಅವರ ಅಸಾಧಾರಣ ಪ್ರತಿಭೆಯಿಂದಾಗಿ ಕೇರಳ ಸಂಗೀತ ನಾಟಕ ಅಕಾಡೆಮಿ ಪ್ರಶಸ್ತಿ ಮತ್ತು ಜಾನಪದ ಅಕಾಡೆಮಿ ಪ್ರಶಸ್ತಿ ಸೇರಿದಂತೆ ಹಲವಾರು ಪ್ರತಿಷ್ಠಿತ ಪ್ರಶಸ್ತಿಗೆ ಅವರು ಬಾಜನರಾಗಿದ್ದಾರೆ.
