ಮಂಗಳೂರು: ಮಂಗಳೂರಿನ ಬಾವುಟಗುಡ್ಡೆಯ ಸಮೀಪದಲ್ಲಿರುವ ಕೆಫೆ ಯಲ್ಲಿ ಕಾಲೇಜು ವಿದ್ಯಾರ್ಥಿನಿಯರು ಹೊಡೆದಾಟ ನಡೆಸಿರುವ ವೀಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ವೈರಲ್ ಆಗಿದೆ. ಖಾಸಗಿ ಕಾಲೇಜೊಂದರ ಸಮವಸ್ತ್ರ ಧರಿಸಿರುವ ವಿದ್ಯಾರ್ಥಿನಿಯರು ಕೆಫೆಯಲ್ಲಿ  ಬಡಿದಾಡಿರುವ ವೀಡಿಯೋ ಇದೀಗ ಹರಿದಾಡಿದೆ.

ನಗರದ ಅಲೋಶಿಯಸ್ ಕಾಲೆಜು ಬಳಿ ಇರುವ ಯೆನ್ ಕೆಫೆಯಲ್ಲಿ ಯುವಕರೊಂದಿಗೆ ಕುಳಿತಿದ್ದ ಯುವತಿಯೋರ್ವಳಿಗೆ ಏಕಾಏಕಿ ಮತ್ತೊಬ್ಬ ಯುವತಿ ಬಂದು ಹಲ್ಲೆ ನಡೆಸಿದ್ದಾಳೆ. ಇದೇ ವೇಳೆ ಮೂರನೇ ಯುವತಿಯೂ ಗಲಾಟೆ ನಡೆಸಿದ್ದು, ಬಿಡಿಸಲು ಹೊರಟ ಯುವಕರು ಹೈರಾಣಾಗಿರುವ ದೃಶ್ಯಗಳು ವೈರಲ್ ಆಗಿದೆ.

ಘಟನೆಯ ಕುರಿತು ಮಾಹಿತಿ ಪಡೆಯುತ್ತಿರುವ ಮಂಗಳೂರು ಪೊಲೀಸರು, ಬಂದರು ಪೊಲೀಸ್ ಠಾಣಾ ಪೊಲೀಸರಿಂದ ಮಾಹಿತಿ ಸಂಗ್ರಹಿಸಿದ್ದಾರೆ ಎಂದು ತಿಳಿದು ಬಂದಿದೆ.