ಪ್ರವಾದಿ ಅವಹೇಳನ: ಜುಮಾ ಖುತ್ಬಾದಲ್ಲೇ ಖಂಡಿಸಿದ ಮಕ್ಕಾ ಇಮಾಮ್

ಮಕ್ಕಾ: ಭಾರತದಲ್ಲಿ ಆಡಳಿತರೂಢ ಬಿಜೆಪಿಯ ಮುಖಂಡರು ಪ್ರವಾದಿ ವಿರುದ್ಧ ಅವಹೇಳನಕಾರಿ ಹೇಳಿಕೆ ನೀಡಿದ ನಡೆಯನ್ನು ಪವಿತ್ರ ಮಕ್ಕಾ ಮಸ್ಜಿದ್’ನ ಇಮಾಮ್ ಶೇಖ್ ಅಬ್ದುಲ್ಲಾ ಅವಾದ್ ಅಲ್ ಜುಹಾನ್ ಅವರು ಶುಕ್ರವಾರ ಖುತ್ಬಾದಲ್ಲಿ ಕಟುಶಬ್ದಗಳಿಂದ ಖಂಡಿಸಿದ್ದಾರೆ.

“ಪ್ರವಾದಿಗಳು ಮತ್ತು ಸಂದೇಶವಾಹಕರನ್ನು ಅವಮಾನಿಸುವುದು ಅಪರಾಧ ಮತ್ತು ಅಲ್ಲಾಹನ ಕಾನೂನಿನ ಪ್ರಕಾರ ಖಂಡಿಸಬೇಕು” ಎಂದು ಅವರು ತಿಳಿಸಿದ್ದಾರೆ.

ಶುಕ್ರವಾರದ ಜುಮ್ಮಾ ಖುತ್ಬಾದ ವೇಳೆ ಮಕ್ಕಾ ಮಸೀದಿಯ ಮಿನ್’ಬರ್ ನಲ್ಲಿ ಭಾರತದಲ್ಲಿ ಪ್ರವಾದಿಯನ್ನು ಅವಮಾನಿಸಿದ ಹೇಳಿಕೆಯನ್ನು ಖಂಡಿಸಿ ವಿಶ್ವದ ಗಮನ ಸೆಳೆದಿದ್ದಾರೆ.

ಇತ್ತೀಚೆಗೆ ಆಡಳಿತರೂಢ ಬಿಜೆಪಿಯ ಮುಖಂಡರಾದ ನವೀನ್ ಜಿಂದಾಲ್ ಮತ್ತು ನೂಪುರ್ ಶರ್ಮಾ ಅವರು ಪ್ರವಾದಿಯನ್ನು ಅವಹೇಳನ ಮಾಡಿ ಹೇಳಿಕೆ ನೀಡಿದ್ದು, ಇದನ್ನು ಖಂಡಿಸಿ ಜಾಗತಿಕವಾಗಿ ವ್ಯಾಪಕ ಆಕ್ರೋಶ ವ್ಯಕ್ತವಾಗಿತ್ತು. ಇದರ ವಿರುದ್ಧ ಮುಸ್ಲಿಮರು ಭಾರತದಾದ್ಯಂತ ಪ್ರತಿಭಟನೆ ಹಮ್ಮಿಕೊಂಡಿದ್ದರು.