ಮನಾಮ: ಬಹ್ರೈನ್ ಘೋಷಿಸಿದ 10 ವರ್ಷಗಳ ಅವಧಿಯ ಗೋಲ್ಡನ್ ವೀಸಾವನ್ನು ಪಡೆದ ಮೊದಲ ವ್ಯಕ್ತಿ ಎಂಬ ಹೆಗ್ಗಳಿಕೆಗೆ ಉದ್ಯಮಿ, ಲುಲು ಗ್ರೂಪ್ ಅಧ್ಯಕ್ಷ M.A ಯೂಸುಫಲಿ ಪಾತ್ರರಾಗಿದ್ದಾರೆ.
ನಿನ್ನೆ ಗುದೈಬಿಯಾ ಅರಮನೆಯಲ್ಲಿ ನಡೆದ ಸಚಿವ ಸಂಪುಟ ಸಭೆಯಲ್ಲಿ ಎಂ.ಎ.ಯೂಸುಫಾಲಿ ಅವರಿಗೆ ಮೊದಲ ಗೋಲ್ಡನ್ ವೀಸಾ ನಂ.001 ನೀಡಲು ನಿರ್ಧರಿಸಲಾಗಿತ್ತು.
“ಈ ಗೌರವವನ್ನು ಸ್ವೀಕರಿಸುವುದು ನನ್ನ ಜೀವನದಲ್ಲಿ ಅತ್ಯಂತ ಹೆಮ್ಮೆ ಮತ್ತು ವಿನಮ್ರ ಕ್ಷಣವಾಗಿದೆ ಮತ್ತು ನಾನು ದೊರೆ ಹಮದ್ ಬಿನ್ ಇಸಾ ಅಲ್ ಖಲೀಫಾ, ಪ್ರಧಾನ ಮಂತ್ರಿ ಮತ್ತು ರಾಜಕುಮಾರ ಸಲ್ಮಾನ್ ಬಿನ್ ಹಮದ್ ಅಲ್ ಖಲೀಫಾ ಮತ್ತು ಬಹ್ರೈನ್ ಸರ್ಕಾರಕ್ಕೆ ಪ್ರಾಮಾಣಿಕವಾಗಿ ಧನ್ಯವಾದ ಹೇಳುತ್ತೇನೆ” ಎಂದು 001ಸಂಖ್ಯೆಯ ಗೋಲ್ಡನ್ ವೀಸಾ ಸ್ವೀಕರಿಸಿದ ನಂತರ ಯೂಸುಫಾಲಿ ಹೇಳಿದರು.
ಗೋಲ್ಡನ್ ವೀಸಾವನ್ನು ಘೋಷಿಸುವ ಆಡಳಿತಾಧಿಕಾರಿಗಳ ನಿರ್ಧಾರವು ಈ ಪ್ರದೇಶದ ಪ್ರಮುಖ ಹೂಡಿಕೆ ಮತ್ತು ವ್ಯಾಪಾರ ತಾಣಗಳಲ್ಲಿ ಒಂದಾಗಿ ಬಹ್ರೈನ್ ನ ಘನತೆಯನ್ನು ಹೆಚ್ಚಿಸುತ್ತದೆ ಮತ್ತು ಹೊಸ ಹೂಡಿಕೆದಾರರನ್ನು ಆಕರ್ಷಿಸಲಿದೆ ಎಂದು ಅವರು ಹೇಳಿದರು.
