ಭಾರತದೊಂದಿಗೆ ನೇರ ವಿಮಾನ ಹಾರಾಟಕ್ಕೆ ಕುವೈತ್ ಡಿಜಿಸಿಎ ಹಸಿರು ನಿಶಾನೆ

ಕುವೈತ್: ಸೆಪ್ಟೆಂಬರ್ 6 ಮಂಗಳವಾರದಿಂದ ಕುವೈತ್ – ಭಾರತ ನೇರ ವಾಣಿಜ್ಯ ವಿಮಾನಯಾನವನ್ನು ಪುನರಾರಂಭಿಸಲಾಗಿದೆ ಎಂದು ಡೈರೆಕ್ಟರೇಟ್ ಜನರಲ್ ಆಫ್ ಸಿವಿಲ್ ಏವಿಯೇಷನ್ (ಡಿಜಿಸಿಎ) ದೃಢಪಡಿಸಿದೆ.

ಪ್ರಯಾಣಿಕರ ಸಂಖ್ಯೆಯನ್ನು ಅವಲಂಬಿಸಿ ಐದು ದೈನಂದಿನ ವಿಮಾನಗಳ ವೇಳಾಪಟ್ಟಿಯನ್ನು ಕ್ಯಾಬಿನೆಟ್ ರೆಸಲ್ಯೂಸನ್ ಅನುಗುಣವಾಗಿ ಸಿದ್ಧಪಡಿಸಲಾಗಿದೆಯೆಂದು ಡಿಜಿಸಿಎ ಮೇಲ್ವಿಚಾರಕ ರಹೀದ್ ಅಲ್-ತಹೇರ್ ತನ್ನ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.

ಸಾಂಕ್ರಾಮಿಕ ರೋಗವನ್ನು ತಡೆಗಟ್ಟುವ ನಿಟ್ಟಿನಲ್ಲಿ ಕಟ್ಟುನಿಟ್ಟಿನ ಕೋವಿಡ್ ಮಾರ್ಗಸೂಚಿಯನ್ನು ಪಾಲಿಸಿಕೊಂಡು ವಿಮಾನಗಳಲ್ಲಿ ಪ್ರಯಾಣಕ್ಕೆ ಅವಕಾಶ ನೀಡಲಾಗಿದೆ ಕುವೈಟ್ ಸುದ್ದಿ ಸಂಸ್ಥೆ ತಿಳಿಸಿದೆ.

ಈ ಹಿಂದೆ ಕೋವಿಡ್ ಹಿನ್ನೆಲೆಯಲ್ಲಿ ಭಾರತ, ಈಜಿಪ್ಟ್, ಬಾಂಗ್ಲಾದೇಶ, ಪಾಕಿಸ್ತಾನ, ನೇಪಾಳ ಮತ್ತು ಶ್ರೀಲಂಕಾ ದೇಶಗಳ ಪ್ರಯಾಣಿಕರಿಗೆ ಕುವೈತ್ ಪ್ರವೇಶಕ್ಕೆ ನಿಷೇಧ ಹೇರಿತು.

ಕುವೈತ್ ರಾಷ್ಟ್ರದಲ್ಲಿ ಅನುಮೋದನೆ ಪಡೆದ ಸಂಪೂರ್ಣ ಲಸಿಕೆ ಪಡೆದವರಿಗೆ ಪ್ರಯಾಣಕ್ಕೆ ಅವಕಾಶ ನೀಡಲಾಗಿದೆ.