ಕುಮಾರಸ್ವಾಮಿ ಆರೋಪ ತೋಳ ಬಂತು ತೋಳ ಕಥೆ: ನಟ ಚೇತನ್

ಬೆಂಗಳೂರು : ಸಿಎಂ ಪುತ್ರ ಯತೀಂದ್ರ ವೈರಲ್ ವಿಡಿಯೋ ವಿಚಾರಕ್ಕೆ ಮಾಜಿ ಸಿಎಂ ಕುಮಾರಸ್ವಾಮಿ ಟೀಕಾ ಪ್ರಹಾರ ನಡೆಸುತ್ತಿರುವುದಕ್ಕೆ ನಟ ಚೇತನ್ ವಿರೋಧ ವ್ಯಕ್ತಪಡಿಸಿದ್ದಾರೆ.

ಮುಖ್ಯಮಂತ್ರಿ ಸಿದ್ದರಾಮಯ್ಯ ಮತ್ತು ಅವರ ಪುತ್ರ ಯತೀಂದ್ರರನ್ನು ‘ಕಲೆಕ್ಷನ್ ಕಿಂಗ್ಸ್’ ಎಂದು ಹೆಚ್ ಡಿ ಕುಮಾರಸ್ವಾಮಿ ಕರೆದಿದ್ದಾರೆ. ಆದರೆ ಮಗ ಮತ್ತು ತಂದೆಯ ನಡುವಿನ ಫೋನ್ ಕರೆಯ ಸಂಭಾಷಣೆಯಲ್ಲಿ ಯಾವುದೇ ಭ್ರಷ್ಟ ವ್ಯವಹಾರಗಳನ್ನು ಸೂಚಿಸುವುದಿಲ್ಲ. ಪದೇ ಪದೇ ‘ತೋಳ-ಬಂತು-ತೋಳ’ ಎಂಬ ಕಥೆಯಂತೆ ಹೇಳುತ್ತಾ ಹೋದರೆ ಕುಮಾರಸ್ವಾಮಿಯವರು ಜನರಲ್ಲಿ ವಿಶ್ವಾಸಾರ್ಹತೆಯನ್ನು ಕಳೆದುಕೊಳ್ಳುತ್ತಿದ್ದಾರೆ. ಇದರಿಂದಾಗಿ ಯಾವಾಗಲಾದರೂ ಒಂದು ವೇಳೆ ನಿಜವಾದ ತೋಳವು ಕಾಣಿಸಿಕೊಂಡರೆ ಕುಮಾರಸ್ವಾಮಿಯವರ ಮಾತನ್ನು ಗಂಭೀರವಾಗಿ ಯಾರು ಕೂಡ ಪರಿಗಣಿಸುವುದಿಲ್ಲಎಂದು ನಟ ಚೇತನ್ ಫೇಸ್ ಬುಕ್ ನಲ್ಲಿ ಪೋಸ್ಟ್ ಮಾಡಿದ್ದಾರೆ.