ಕೊಡಗು: ಕಾರ್ಮಿಕ ವಿಧವೆ ಮಹಿಳೆಗೆ ವಂಚನೆ, ವಕೀಲೆ ಸಹಿತ ಇಬ್ಬರ ಬಂಧನ

ಮಡಿಕೇರಿ: ವಿರಾಜಪೇಟೆಯ  ಬಡ ಕಾರ್ಮಿಕ ವಿಧವೆ ದಲಿತ ಮಹಿಳೆ ಹೆಸರಿನಲ್ಲಿ ಲಕ್ಷಾಂತರ ರೂಪಾಯಿ ಸಾಲ ಪಡೆದು ವಂಚಿಸಿ ಬೆದರಿಕೆ ಹಾಕಿರುವ ಪ್ರಕರಣಕ್ಕೆ ಸಂಬಂಧಿಸಿದಂತೆ ವಿರಾಜಪೇಟೆಯ ವಕೀಲೆ ಹಾಗೂ ಆಕೆಯ ಗಂಡನನ್ನು ಪೊಲೀಸರು ಸಿದ್ದಾಪುರದಲ್ಲಿ ಬಂಧಿಸಿದರು.

 ವಿರಾಜಪೇಟೆ ವಕೀಲೆ ನಿಶಾ ಮತ್ತು ಆಕೆಯ ಗಂಡ ಪ್ರಕಾಶ್ ವಿರುದ್ಧ ವಿರಾಜಪೇಟೆ ನಗರ ಠಾಣೆಯಲ್ಲಿ 323, 354, 504, 420, 506, ರೆ/ವಿ 34 IPC ಕಲಂ ನಡಿ ಕ್ರಿಮಿನಲ್ ಪ್ರಕರಣ ದಾಖಲಾಗಿತ್ತು. ಆರೋಪಿ ವಕೀಲೆ ಹಾಗೂ ಗಂಡ ಪ್ರಕಾಶ್ ಸಿದ್ದಾಪುರದಲ್ಲಿ ತಲೆಮರೆಸಿಕೊಂಡಿದ್ದರು. ಸೋಮವಾರ ಬೆಳಿಗ್ಗೆ ಸಿದ್ದಾಪುರದಲ್ಲಿ ಇಬ್ಬರು ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದಾರೆ.