ಮಡಿಕೇರಿ: ನಾಡಿನ ಅಧಿದೇವತೆ ಮಾತೆ ಕಾವೇರಿ ಹಾಗೂ ಯುವತಿಯರ ಬಗ್ಗೆ ಅವಹೇಳನಕಾರಿ ಹೇಳಿಕೆ ನೀಡಿದ ವ್ಯಕ್ತಿಯ ಬಂಧನಕ್ಕೆ 24 ಗಂಟೆಗಳ ಗಡುವು ನೀಡಿ ಉಗ್ರ ಪ್ರತಿಭಟನೆ ಮಾಡಿ ಕೊಡಗು ಬಂದ್ ಗೆ ಕುಲದೀಪ್ ಪೂಣಚ್ಚ ಕರೆ ನೀಡಿದ್ದಾರೆ.
- Advertisement -
ಕೊಡಗಿನ ಕುಲದೇವತೆ ಮಾತೆ ಕಾವೇರಿಯ ಬಗ್ಗೆ ಹಾಗೂ ಯುವತಿಯರ ಬಗ್ಗೆ ಅವಹೇಳನಕಾರಿ ಹೇಳಿಕೆ ನೀಡಿದ ವ್ಯಕ್ತಿಯನ್ನು 24 ಗಂಟೆಯೊಳಗೆ ಬಂಧಿಸುವಂತೆ ಆಗ್ರಹಿಸುತ್ತಿದ್ದೇವೆ. ಪ್ರಪಂಚ ದಾದ್ಯಂತ ಇರುವ ಅನೇಕ ಕಾವೇರಿ ತಾಯಿಯ ಭಕ್ತರ ಮನಸ್ಸಿಗೆ ಈ ಹೇಳಿಕೆಯಿಂದ ನೋವುಂಟಾಗಿದ್ದು, ಮಾತೆ ಕಾವೇರಿ ಯನ್ನು ಎಲ್ಲಾ ವರ್ಗದ ಜನರೂ ಪೂಜಿಸಿ ಆರಾಧಿಸುತ್ತಾರೆ. ಈ ಹೇಳಿಕೆಯನ್ನು ನೀಡುವ ಮೂಲಕ ಆ ವ್ಯಕ್ತಿಯು ಸಮಾಜದ ಶಾಂತಿಯನ್ನು ಕದಡುವ ಉದ್ದೇಶವನ್ನಿಟ್ಟುಕೊಂಡಿದ್ದಾನೆ. ಆರೋಪಿಯನ್ನು ತಕ್ಷಣ ಬಂಧಿಸಬೇಕು ಎಂದು ಹೇಳಿದರು.
ಇಲ್ಲದಿದ್ದರೆ ಸಂಘ ಪರಿವಾರದ ನೇತೃತ್ವದಲ್ಲಿ ಉಗ್ರ ಪ್ರತಿಭಟನೆ ಹಾಗೂ ಕೊಡಗು ಬಂದ್ ಮಾಡುವುದಾಗಿ ಎಚ್ಚರಿಕೆ ನೀಡಿದ್ದಾರೆ.
