ಜಪಾನ್ ಸಾರ್ವತ್ರಿಕ ಚುನಾವಣೆಯಲ್ಲಿ ಕಿಶಿದಾಗೆ ಅಮೋಘ ಜಯ । ಮುಂದಿನ ಪ್ರಧಾನಿಯಾಗುವ ಸಾಧ್ಯತೆ

ಟೋಕಿಯೋ: ಜಪಾನ್ ನ ಸಾರ್ವತ್ರಿಕ ಚುನಾವಣೆಯಲ್ಲಿ ಬುಧವಾರ ಆಡಳಿತಾರೂಢ ಲಿಬರಲ್ ಡೆಮಾಕ್ರಟಿಕ್ ಪಾರ್ಟಿ ಯ ಮಾಜಿ ವಿದೇಶಾಂಗ ಸಚಿವ ಫ್ಯೂಮಿಯೊ ಕಿಶಿದಾ ಅವರು ಅಮೋಘವಾಗಿ ಜಯಗಳಿಸಿದ್ದಾರೆ. ಅವರೇ ಮುಂದಿನ ಪ್ರಧಾನಿ ಎಂದು ರಾಜಕೀಯ ವಿಶ್ಲೇಷಕರು ವ್ಯಾಖ್ಯಾನಿಸಿದ್ದಾರೆ.

ಈ ಹಿಂದೆ ರಕ್ಷಣಾ ಮತ್ತು ವಿದೇಶಾಂಗ ಸಚಿವ ಸ್ಥಾನಗಳನ್ನು ಹೊಂದಿದ್ದ ಜನಪ್ರಿಯ ಲಸಿಕೆ ಮಂತ್ರಿ ಟಾರೊ ಕೊನೊ ಅವರನ್ನು ಸೋಲಿಸಲು ಕಿಶಿದಾ ಬುಧವಾರದ ಮತದಾನದಲ್ಲಿ 257 ಮತಗಳನ್ನು ಗೆದ್ದರು.

64 ರ ಹರೆಯದವರು ಪಕ್ಷದ ನಿರ್ಗಮಿತ ನಾಯಕ ಯೋಶಿಹೈಡೆ ಸುಗಾ ಅವರ ಸ್ಥಾನವನ್ನು ಕಿಶಿದಾ ತುಂಬಲಿದ್ದಾರೆ. ಕಳೆದ ಸೆಪ್ಟೆಂಬರ್ ನಲ್ಲಿ ಅಧಿಕಾರ ವಹಿಸಿಕೊಂಡ ನಂತರ ಕೇವಲ ಒಂದು ವರ್ಷದ ಸೇವೆಯ ನಂತರ ಸುಗಾ ಅವರು ನಿರ್ಗಮಿಸಲಿದ್ದಾರೆ.

ಲಿಬರಲ್ ಡೆಮಾಕ್ರಟಿಕ್ ಪಾರ್ಟಿ (ಎಲ್.ಡಿ.ಪಿ) ಇದರ ನೂತನ ನಾಯಕನಾಗಿ ಹೊರಹೊಮ್ಮಿದ ಕಿಶಿದಾ ಸಂಸತ್ತಿನಲ್ಲಿ ಮುಂದಿನ ಪ್ರಧಾನಿಯಾಗಿ ಆಯ್ಕೆಯಾಗುವುದು ನಿಶ್ಚಿತವಾಗಿದೆ.