ಕೇರಳ ಚುನಾವಣೆ | ಪಂದಳಂ ಪುರಸಭೆಯಲ್ಲಿ ಬಿಜೆಪಿ ನೇತೃತ್ವದ ಎನ್ ಡಿಎಗೆ ಭರ್ಜರಿ ಗೆಲುವು

Prasthutha|

ತಿರುವನಂತಪುರಂ : ಕೇರಳದಲ್ಲಿ ಸ್ಥಳೀಯ ಸಂಸ್ಥೆ ಚುನಾವಣೆ ಫಲಿತಾಂಶವು ಪ್ರಕಟವಾಗುತ್ತಿದ್ದು, ಶಬರಿಮಲೆ ದೇವಸ್ಥಾನ ನಿರ್ವಹಣೆ ಹೊತ್ತಿರುವ ರಾಜಮನೆತನದ ನೆಲೆಯಾದ ಪಂದಳಂನಲ್ಲಿ ಬಿಜೆಪಿ ಭರ್ಜರಿ ವಿಜಯ ಸಾಧಿಸಿದೆ.

ಎಲ್ ಡಿಎಫ್ ವಶದಲ್ಲಿದ್ದ ಪಂದಳಂ ಮುನ್ಸಿಪಾಲಿಟಿಯಲ್ಲಿ ಬಿಜೆಪಿ ನೇತೃತ್ವದ ಎನ್ ಡಿಎ 17 ಸ್ಥಾನಗಳಲ್ಲಿ ಗೆದ್ದಿದೆ. 30 ವಾರ್ಡ್ ಗಳಿಗೆ ನಡೆದಿರುವ ಚುನಾವಣೆಯಲ್ಲಿ ಎಲ್ ಡಿಎಫ್ 7, ಯುಡಿಎಫ್ 5 ಸ್ಥಾನಗಳಿಗೆ ಸೀಮಿತವಾಗಿದೆ. ಇನ್ನೂ ಮೂರು ವಾರ್ಡ್ ಗಳಲ್ಲಿ ಫಲಿತಾಂಶ ಬಾಕಿಯಿದ್ದು, ಅದರಲ್ಲಿ 2ರಲ್ಲಿ ಬಿಜೆಪಿ ಮುನ್ನಡೆ ಸಾಧಿಸುತ್ತಿದೆ. ಇಲ್ಲಿ ಎಲ್ ಡಿಎಫ್ ಪ್ರಸ್ತುತ ಅಧಿಕಾರದಲ್ಲಿತ್ತು.  

- Advertisement -

ಪಂದನಂತಿಟ್ಟ ಜಿಲ್ಲಾ ವ್ಯಾಪ್ತಿಯ ಪಂದಳಂ ಮುನ್ಸಿಪಾಲಿಟಿ ಐತಿಹಾಸಿಕ ನಗರವಾಗಿದ್ದು, ಶಬರಿಮಲೆ ದೇಗುಲ ನಿರ್ವಹಣೆ ಹೊತ್ತುಕೊಂಡಿರುವ ರಾಜಮನೆತನ ಈ ಪ್ರದೇಶದಲ್ಲಿದೆ. ಈ ಹಿಂದೆ ಶಬರಿಮಲೆ ದೇಗುಲಕ್ಕೆ ಮಹಿಳೆಯರ ಪ್ರವೇಶದ ಬಗ್ಗೆ ವಿವಾದ ತಾರಕಕ್ಕೇರಿದ್ದಾಗ, ಪಂದಳಂ ರಾಜಮನೆತನ ಖಡಕ್ ಎಚ್ಚರಿಕೆ ನೀಡಿತ್ತು. ಇಲ್ಲಿ ಎಡ ಪಕ್ಷಗಳು ಮತ್ತು ಇತರ ಪಕ್ಷಗಳನ್ನು ಹಿಂದೂ ವಿರೋಧಿ ಎನ್ನುವಂತೆ ಬಿಂಬಿಸಲಾಗಿತ್ತು.   

- Advertisement -