ಕಡೂರು: ರೋಡ್ ರೋಲರ್ ಬಳಸಿ ಬೈಕ್ ಸೈಲೆನ್ಸರ್ ಗಳನ್ನು ನಾಶಪಡಿಸಿದ ಪೊಲೀಸರು !

ಚಿಕ್ಕಮಗಳೂರು:  ಕರ್ಕಶ ಶಬ್ದ ಮಾಡುತ್ತಿದ್ದ ಬೈಕ್ ಗಳ ಸೈಲೆನ್ಸರ್ ಗಳನ್ನು ಕಡೂರು ಪೊಲೀಸರು ರೋಡ್ ರೋಲರ್ ಬಳಸಿ ನಾಶಪಡಿಸಿದ್ದಾರೆ.

ಪಟ್ಟಣದಲ್ಲಿ ವಿಚಿತ್ರ ಶಬ್ದ ಮಾಡಿ ರೌಂಡ್ ಹಾಕುತ್ತಿದ್ದ ಯುವಕರ 35ಕ್ಕೂ ಹೆಚ್ಚು ಬೈಕ್ ಗಳನ್ನು ವಶಪಡಿಸಿರುವ ಕಡೂರು ಠಾಣೆಯ ಪಿಎಸ್ಐ ರಮ್ಯಾ ನೇತೃತ್ವದ ತಂಡ  ಸೈಲೆನ್ಸರ್ ಗಳನ್ನು ಕಳಚಿಸಿ  ಸಾಲಾಗಿಟ್ಟು ರೋಡ್ ರೋಲರ್ ಹತ್ತಿಸಿ ಪುಡಿ ಮಾಡಿಸಿದರು. ಸೈಲೆನ್ಸರ್ ಗಳನ್ನು ಬಿಚ್ಚಿ ಸವಾರರಿಗೆ ಎಚ್ಚರಿಕೆ ನೀಡಿ ಪೊಲೀಸರು ಬೈಕ್ ಗಳನ್ನು ವಾಪಸ್ ನೀಡಿದ್ದಾರೆ.