June 6, 2021

ಟ್ವಿಟ್ಟರ್ ಇಂಡಿಯಾ ಟ್ರೆಂಡ್ಸ್ ನಲ್ಲಿ ಸ್ಥಾನ ಪಡೆದ #JusticeForJasmeen | ಸಂತ್ರಸ್ತೆಗಾಗಿ ಮಿಡಿದ ಮಾನವೀಯ ಹೃದಯಗಳು

ಮಂಗಳೂರಿನ ಗರ್ಭಿಣಿ ಹೆಣ್ಣು ಮಗಳು ಖತೀಜಾ ಜಾಸ್ಮೀನ್ ಪರ ಮಾನವೀಯ ಹೃದಯಗಳು ಮಿಡಿದಿದೆ. ಸಂತ್ರಸ್ತೆ ಜಾಸ್ಮೀನ್ ಪರ ಮತ್ತು ಆಕೆಯನ್ನು ಸತಾಯಿಸಿರುವ ವೈದ್ಯರುಗಳ ವಿರುದ್ಧ ಕ್ರಮಕ್ಕೆ ಆಗ್ರಹಿಸಿ ಇಂದು #JusticeForJasmeen ಟ್ವಿಟ್ಟರ್  ಅಭಿಯಾನ ನಡೆಸಲಾಗಿತ್ತು. ಈ ಅಭಿಯಾನ ಟ್ವಿಟ್ಟರಿನಲ್ಲಿ ಟ್ರೆಂಡ್ ಆಗಿದೆ. ಅಭಿಯಾನದ ಒಂದು ಹಂತದಲ್ಲಿ ಇಂಡಿಯಾ ಟ್ರೆಂಡ್ಸ್ ನಲ್ಲಿ ನಾಲ್ಕನೇ ಸ್ಥಾನ ಪಡೆದಿತ್ತು. ಈ ಅಭಿಯಾನದಲ್ಲಿ ಸಂತ್ರಸ್ತೆಯ ಪರ ನ್ಯಾಯಕ್ಕಾಗಿ ಮತ್ತು ಆರೋಪಿತರ ವಿರುದ್ಧ ಕ್ರಮಕ್ಕೆ ಆಗ್ರಹಿಸಿ ಸುಮಾರು 77 ಸಾವಿರಕ್ಕೂ ಹೆಚ್ಚು ಟ್ವೀಟ್ ಗಳು ಟ್ವಿಟ್ಟರಿನಲ್ಲಿ ದಾಖಲಾಗಿದೆ.

ಇತ್ತೀಚೆಗೆ ಮಂಗಳೂರಿನ 8 ತಿಂಗಳ ಗರ್ಭಿಣಿ ಜಾಸ್ಮೀನ್ ಹೆರಿಗೆ ನೋವಿನಿಂದ ನರಳಾಡುತ್ತಿರುವಾಗ ತನ್ನ ಕನ್ಸಲ್ಟಿಂಗ್ ವೈದ್ಯರಿಂದ ಅವಗಣನೆಗೊಳಗಾಗಿ ಆ ಬಳಿಕ ನಗರದ ಐದಾರು ಆಸ್ಪತ್ರೆಗಳಿಗೆ ಅಲೆದಾಡಿದ ಘಟನೆ ನಡೆದಿತ್ತು. ಆ ಬಳಿಕ ಇದರ ಕುರಿತು ವೈದ್ಯರುಗಳೊಂದಿಗೆ ವಾಗ್ವಾದ ನಡೆಸಿದ್ದ ಕುಟುಂಬದ ಸದಸ್ಯರುಗಳ ಮೇಲೆ ವೈದ್ಯರುಗಳು ಪ್ರಕರಣ ದಾಖಲಿಸಿದ್ದರು. ಆದರೆ ಸಂತ್ರಸ್ತೆ ತನ್ನ ಹೆರಿಗೆ ನೋವಿನ ವೇಳೆಯೂ ಅವಗಣಿಸಿದ್ದ ವೈದ್ಯರುಗಳ ವಿರುದ್ಧ ಪೊಲೀಸ್ ದೂರು ನೀಡಿದ್ದರೂ ಎಫ್ ಐ ಆರ್ ದಾಖಲಿಸಿರಲಿಲ್ಲ. ಈ ಕುರಿತು ಮಾನವೀಯ ಕಾಳಜಿಯುಳ್ಳವರು ಧ್ವನಿ ಎತ್ತಿದ್ದರು. ಆ ಬಳಿಕ ಸಂತ್ರಸ್ತೆ ಹಾಗೂ ಆಕೆಯ ಕುಟುಂಬ ಪತ್ರಿಕಾಗೋಷ್ಠಿಯಲ್ಲಿ ತಾನು ಎದುರಿಸಿದ್ದ ಸಂಕಷ್ಟಗಳ ಕುರಿತು ಮಾಹಿತಿ ನೀಡಿದ್ದರು.

ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಬಟನ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ

error: Content is protected !!