ಶಾರ್ಜಾ : ಈ ಸೀಸನ್ ನ ಐಪಿಎಲ್ ಪಂದ್ಯದಲ್ಲಿ ಸನ್ ರೈಸರ್ಸ್ ಹೈದರಾಬಾದ್ ಪ್ಲೇ ಆಫ್ ಪ್ರವೇಶಿಸಿದ್ದು, ಕೊಲ್ಕತಾ ತಂಡ ಕೂಟದಿಂದ ನಿರ್ಗಮಿಸುವಂತಾಗಿದೆ. ಮುಂಬೈ ಇಂಡಿಯನ್ಸ್ ತಂಡವನ್ನು 10 ವಿಕೆಟ್ ಗಳ ಅಂತರದಿಂದ ಸೋಲಿಸಿದ ಹೈದರಾಬಾದ್ ತಂಡ, ಮೂರನೇ ರ್ಯಾಂಕ್ ತಂಡವಾಗಿ ಪ್ಲೇ ಆಫ್ ಪ್ರವೇಶಿಸಲು ಅನುಕೂಲವಾಯಿತು.

ಹೀಗಾಗಿ ಐಪಿಎಲ್ 13ನೇ ಆವೃತ್ತಿಯಲ್ಲಿ ಕೊಲ್ಕತಾ ತಂಡ ಹೊರಹೋಗುವುದು ಅನಿವಾರ್ಯವಾಯಿತು.

ಡೇವಿಡ್ ವಾರ್ನರ್ ಮತ್ತು ಅವರ ತಂಡ 18ನೇ ಓವರ್ ನಲ್ಲಿ, ತಮ್ಮ 150 ರನ್ ಗಳ ಗುರಿಯನ್ನು ತಲುಪಿ ಪ್ಲೇ ಆಫ್ ಗೆ ಅರ್ಹತೆಯನ್ನು ಪಡೆದುಕೊಂಡಿತು. ಹೈದರಾಬಾದ್ ಇನ್ನು ಶುಕ್ರವಾರ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಜೊತೆ ಆಟವಾಡಲಿದೆ. ವಿಜೇತರು ಎರಡನೇ ಅರ್ಹ ತಂಡವಾಗಿ ಗುರುತಿಸಿಕೊಳ್ಳಲಿದ್ದಾರೆ.